قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ 2013 جىلعى 22 قاراشاداعى جارلىعى بويىنشا قىركۇيەك ايىنىڭ سوڭعى جەكسەنبىسى «ەڭبەك كۇنى» دەپ بەلگىلەندى. اتاۋلى مەرەكەگە وراي, س.بايىشەۆ اتىنداعى اقتوبە وبلىستىق امبەباپ عىلىمي كىتاپحاناسىنىڭ قىزمەتكەرلەرى ۇيىمداستىرۋىمەن جاستارعا وتباسىلىق ەڭبەك قۇندىلىقتاردى جەتكىزە وتىرىپ, ەڭبەكتى قۇرمەتتەۋگە تاربيەلەۋ ماقساتىندا «ەڭبەك – جالپىعا ورتاق قۇندىلىق» تاقىرىبىندا كەزدەسۋ كەشى ء وتتى.
وعان ەڭبەك, الەۋمەتتىك قورعاۋ جانە كوشى - قون كوميتەتىنىڭ اقتوبە وبلىسى بويىنشا دەپارتامەنتىنىڭ الەۋمەتتىك قورعاۋ سالاسىنداعى باقىلاۋ ءبولىمىنىڭ باسشىسى ق.م.وتەمۇراتوۆ; اقتوبە قالاسىنىڭ جۇمىسپەن قامتۋ ورتالىعىنىڭ مامانى ءا.ا.جولمۇراتوۆا; ۇزدىك ەڭبەك اۋلەتى - كۋچەرباەۆتار وتباسى قاتىستى.
شارادا ق.م. وتەمۇراتوۆ جاستارعا حالىقتى الەۋمەتتىك قورعاۋ جۇيەسىنىڭ قازىرگى جاعدايى تۋرالى ايقىنداپ, ەڭبەكتى قورعاۋ, ەڭبەكتى كۇرمەتتەۋگە تاربيەلەۋ كەرەكتىگىنە توقتالدى. ءا.ا.جولمۇراتوۆا ورتالىقتىڭ قىزمەتىن, «جۇمىسپەن قامتۋ جول كارتاسى - 2020» باعدارلاماسى اياسىندا «جاستار تاجىريبەسى» ءوز بەتىمەن ومىرگە اياق باسقان جاسۇرپاققا قاتىستى مەملەكەتتىك باعدارلامالار جونىڭدە تولىعىراق ايتىپ ەتتى.
سونداي-اق, ەڭبەك اۋلەتىنىڭ ءبىر وكىلى, ءتورت ۇرپاعى تەمىرجول قىزمەتتى جالعاستىرعان, ەڭبەك سالاسىندا ەلەۋلى ءىز قالدىرعان, ءوز سۇيگەن ماماندىقتارىنا بالالارىن باۋلي بىلگەن ۇزدىك ەڭبەك اۋلەتى - يۋري سيسەنعالي ۇلى مەن اقجيدا ادەكقىزى كۋچەرباەۆتار ءوز وتباسىڭىزداعى ۇرپاق ساباقتاستىعى, ەڭبەك جولىندا بولعان قيىن جانە قىزىقتى كەزەندەر تۋرالى ءسوز ەتىپ, ەرىنبەي ەڭبەكتەنۋدىڭ ارقاسىندا عانا جەتىستىككە جەتۋگە بولاتىنىن جاستارعا ايتىپ, بولاشاق مامانداردى بىلىمدەرىن شىڭداۋدا ايانباي ەڭبەك ەتۋگە شاقىردى.
قازاق–ورىس حالىقارالىق ۋنيۆەرسيتەتىنىڭ 1 كۋرس ستۋدەنتى قوعاباەۆا اجار جانە قازاق گۋمانيتارلىق زاڭ ۋنيۆەرسيتەتى كوللەدجىنىڭ 2 كۋرس ستۋدەنتى يبراەۆ ەرنار قوناقتارعا ءان شاشۋلارىن تارتتى. ستۋدەنت جاستارى ساۋالدار قويىپ, تۇشىمدى جاۋاپتار الدى. سونىمەن قاتار, «ەڭبەك ەر اتاندىرادى» اتتى كىتاپ كورمەسى ۇيىمداستىرىلىپ, سلايد كورسەتىلدى.
س. بايىشەۆ اتىنداعى اقتوبە وبلىستىق
امبەباپ عىلىمي كىتاپحاناسىنىڭ مەرزىمدى باسىلىمدار بولىمشەسىنىڭ مەڭگەرۋشىسى
ليزا قاراعويشينا