قازاقستاندا اقىلى وقۋعا تۇسكىسى كەلگەن تالاپكەرلەردى ۇلتتىق بىرىڭعاي تەستىلەۋدەن بوساتۋ ماسەلەسى تالقىلانۋدا. بۇل تۋرالى بۇگىن قر پارلامەنتى سەناتىندا ءوتىپ جاتقان «ورتا ءبىلىم بەرۋ جۇيەسىنىڭ جاي-كۇيى, پروبلەمالارى جانە زاڭنامالىق رەتتەۋ پەرسپەكتيۆالار» تاقىرىبىنا ارنالعان پارلامەنتتىك تىڭداۋ بارىسىندا قر ءبىلىم جانە عىلىم ءمينيسترى ەرلان ساعاديەۆ ايتتى, دەپ حابارلايدى قازاقپارات.
«وزدەرىڭىزدە بىلەتىندەي, «اق جول» پارتياسى ەلىمىزدىڭ جوعارى وقۋ ورىندارىنىڭ اقىلى بولىمىنە تۇسەتىندەر ءۇشىن ۇلتتىق بىرىڭعاي تەستىلەۋدى الىپ تاستاۋ تۋرالى باستاما كوتەرگەن بولاتىن. قازىرگى تاڭدا ءبىز ماسەلەنى ەگجەي-تەگجەيلى تالقىلاپ جاتىرمىز. ۇلتتىق بىرىڭعاي تەستىنى مەملەكەتتىك ءبىلىم گرانتتارىن ءبولۋ قۇرالى رەتىندە قالدىرۋ ۇسىنىلعان بولاتىن», - دەدى ەرلان ساعاديەۆ.