بۇگىن استانا قالاسى اكىمدىگىنىڭ №74 مەكتەپ – گيمنازياسىندا «ەڭبەك كۇنى», «وتباس كۇنى», «ۇستازدار كۇنى» مەرەكەسىنە وراي «ۇرپاقتار جالعاسى: وتباسىم – باقىت مەكەنىم» اتتى ءىس-شارا بولىپ ءوتتى.
شاراعا استانا قالاسى ءبىلىم باسقارماسىنىڭ باسشىسى ءانۋار جانعوزين, قازاقستان كاسىپوداق توراعاسىنىڭ ورىنباسارى ايگۇل مۇقاشەۆا, استانا قالاسى ءبىلىم قىزمەتكەرلەرىنىڭ قالالىق «ادىلەت» كاسىپوداعىنىڭ ءتورايىمى بالسۇلۋ ناۋرىزباەۆا, استانا قالاسى ءبىلىم باسقارماسىنىڭ پەرسونالدى باسقارۋ ءبولىمىنىڭ باسشىسى جاڭىل قىلىشباەۆا قاتىسىپ, مەرەيلى مەرەكەمەن قۇتتىقتاپ, اق تىلەكتەرىن اقتاردى.
سونىمەن قاتار, كەش بارىسىندا وتباسىلىق ەڭبەك ءوتىلى 100 جىلدان اسقان ۇستازدار ماراپاتتالدى. ولاردىڭ قاتارىندا اۋلەتتىڭ ەڭبەك ءوتىلى 341 جىلدى قۇرايتىن №54 مەكتەپ-ليتسەيدىڭ باستاۋىش سىنىپ مۇعالىمى, ىبىراي التىنسارين توسبەلگىسىنىڭ يەگەرى گۇلبارشا بۇركىتبايقىزى, اۋلەتتىڭ ەڭبەك ءوتىلى 327 جىلعا جەتكەن №38 مەكتەپ-ليتسەيدىڭ ماتەماتيكا ءپان مۇعالىمى بايتەمىر ءدىلبار سياقتى ون شاقتى مۇعالىم بار. ودان بولەك جۇمىس ءوتىلى 20 جىلدان اساتىن تالىمگەرلەر مەن ەڭبەكتى ەندى باستاپ, ءوز قىزمەتىندە بەلسەندىلىك تانىتىپ جۇرگەن بىرنەشە ماماندار دا ماراپاتتان تىس قالمادى. العىس حاتقا يە بولعان ءاربىر مۇعالىمگە 100 000, 70 000, 50 000 تەڭگە كولەمىندە سىياقى تابىس ەتىلدى.
راۋان قايدار,
«ەگەمەن قازاقستان»