بۇگىندە اۋىل شارۋاشىلىعى ونىمدەرىن مولايتىپ, ساپاسىن ارتتىرۋ جانە مال شارۋاشىلىعىن دامىتۋ ءۇشىن تىڭ عىلىمي جەتىستىكتەردى يگەرۋ قاجەتتىلىگى تۋىندايدى. وسى رەتتە, سوڭعى جىلدارى ەل اراسىندا اتى ءجيى اتالىپ جۇرگەن «گيدروپونيكا» ءادىسىن ايتۋعا بولادى, يۋدەپ حابارلايدى وقو اكىمدىگىنىڭ ءباسپاسوز قىزمەتى.
وڭتۇستىك قازاقستان وبلىسىنداعى «قازاگروگرين» كاسىپورنى فەرمەرلەردى مال ازىعىمەن قامتاماسىز ەتۋدىڭ يننوۆاتسيالىق ءتاسىلىن ۇسىندى. بۇل جەردە ارپا 1 اپتا ىشىندە وسىرىلەدى. گيدروپوندى مال ازىعىنىڭ قۇرامىندا جانۋارلارعا ارنالعان دارۋمەندەر مەن پايدالى زاتتار بار.
2015 جىلى وڭىردە جۇمىس جاساپ كەلەتىن كاسىپورىن 0,5 جانە 1, 2 توننالىق گيدروپونيكالىق قوندىرعىنى ءوندىرىپ كەلسە, بيىل جىلىنا 1460 توننا شاماسىندا جەم-ءشوپ شىعارۋعا قاۋقارلى 4 توننالىق جاڭا قوندىرعىنى ىسكە قوستى. وسى ۋاقىت ىشىندە كاسىپورىن ءوز قوندىرعىلارىن وبلىستاعى ءتورت ءىرى شارۋا قوجالىققا ورناتقان. ال بۇگىندە ءتورت توننالىق جاڭا قوندىرعىنى «اتامەكەن» شارۋا قوجالىعىنا ورناتۋدا.
شارۋا قوجالىقتار قۇنى 29 جانە 72 ملن تەڭگە بولاتىن قوندىرعىعا «وڭتۇستىك» ايو-نىڭ قارجىلاندىرۋى ارقىلى قول جەتكىزىپ وتىر. ەندى يننوۆاتسيالىق تىڭ ءادىستى ورناتامىن دەگەن فەرمەرگە مەملەكەت 10 ملن تەڭگە كولەمىندە سۋبسيديا بەرمەك.
جاڭا تەحنولوگيانىڭ ارقاسىندا جەر جىرتىپ, مال ازىعى از دەپ الاڭدامايسىز. ەڭبەك كۇشىن دە تالاپ ەتپەيدى. گيدروپونيكا ءادىسى ارقىلى كۇنىنە 2 توننا ءونىم وندىرۋگە بولادى. ال, جىلىنا شامامەن 1500 توننا جەم-ءشوپ جيناۋعا مۇمكىندىك بار.
كاسىپورىن ديرەكتورى باقىتجان كوپباەۆتىڭ ايتۋىنشا, گيدروپونيكا ءادىسى ارقىلى دايىندالعان ونىمدەر ارپا داقىلىنىڭ قۇنارلىعىمەن پارا-پار ەكەن. جاسىل جەمدى پايدالانعان شارۋا ۆەتەرينارلىق اۋرۋلاردى دا ءبىرجولاتا ۇمىتادى,-دەيدى ول. وسىلايشا, شارۋالار ءتورت ت ۇلىگىنە قارجى ۇنەمدەپ, تازا, ءارى قۇنارلى جەممەن ازىقتاندىرا الادى.