اتىراۋدا جەر ۋچاسكەلەرىن زاڭسىز يەلەنىپ الۋ نەمەسە ۋاقىتشا بەرىلگەن مەملەكەتتىك جەردى قايتارماۋ دەرەكتەرى ءجيى كەزدەسەدى. وبلىستىق جەردىڭ پايدالانىلۋى مەن قورعالۋىن باقىلاۋ باسقارماسى تاراپىنان جۇرگىزىلگەن 477 تەكسەرۋدە 418 زاڭ بۇزۋشىلىق انىقتالعان. بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە باسقارما باسشىسى گۇلزيا قۇرمانوۆا مالىمدەدى.
اتىراۋدا جەر ۋچاسكەلەرىن زاڭسىز يەلەنىپ الۋ نەمەسە ۋاقىتشا بەرىلگەن مەملەكەتتىك جەردى قايتارماۋ دەرەكتەرى ءجيى كەزدەسەدى. وبلىستىق جەردىڭ پايدالانىلۋى مەن قورعالۋىن باقىلاۋ باسقارماسى تاراپىنان جۇرگىزىلگەن 477 تەكسەرۋدە 418 زاڭ بۇزۋشىلىق انىقتالعان. بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە باسقارما باسشىسى گۇلزيا قۇرمانوۆا مالىمدەدى.
جىل باسىنان بەرى اكىمشىلىك قۇقىق بۇزۋشىلىق تۋرالى كودەكستىڭ تالاپتارىن بۇزعان اتىراۋلىقتارعا 57 ملن 832 مىڭ 307 تەڭگە كولەمىندە ايىپپۇل سالىندى. الايدا جەر زاڭدىلىقتارىنا نەمقۇرايلى قارايتىندار سانى ازايار ەمەس. مىسالى, اتىراۋ وبلىستىق كولىك پروكۋراتۋراسىنىڭ ۇسىنىسىمەن «قازترانسويل» اق-عا «قيعاش» جەلىلىك وندىرىستىك ستانساسىندا جانە قۇلسارى مۇنايوتكىزۋ باسقارماسىندا كولەمى 59,72921 گا جەر ۋچاسكەسىن زاڭسىز پايدالانعاندارى ءۇشىن 4 764 900 تەڭگە ايىپپۇل سالىنىپ, جەر زاڭدىلىعىنىڭ بۇزىلۋىن جويۋ تۋرالى نۇسقاما تابىستالعان.
بۇل قاتاردا «ريتم ويل», «كونستراكشن KZ», «ەكو تەحنيكس», «اۆتوميراتىراۋ», «كونتاكت ويل», «مەركۋر اۆتو», «ۆەست موتورس», «ابىلاي-حان», «تەنگيزينتەرمۇنايگازقۇرىلىس», «قىزىل بالىق» سەكىلدى مەكەمەلەر دە بار.
«اۋىل شارۋاشىلىعى ماقساتىنا بەرىلگەن 811,4 گا جەر ۋچاسكەسى مەملەكەت قورىنا قايتارىلدى. سول سياقتى, نىسانالى ماقساتقا ساي يگەرىلمەگەن جەر ۋچاسكەلەرىن ماجبۇرلەپ الۋ ماقساتىندا باسقارما سوت ورگاندارىنا 9 تالاپ ارىز جولدادى. ال جەكە جانە زاڭدى تۇلعالار تاراپىنان بيىل باسقارماعا 99 ءوتىنىش ءتۇستى», دەيدى گ.قۇرمانوۆا.
باقىتگۇل باباش, «ەگەمەن قازاقستان»