قازاقستاندىق كوممۋنيستەر لاتىن قارپىنىڭ قازاق تىلىنە ورالۋىن قوشامەتپەن قارسى الادى.
ءبىزدىڭ جاھاندانۋ مەن اقپاراتتىق تەحنولوگيالار جەدەل دامىپ جاتقان عاسىرىمىزدا ءتىلدى جاڭعىرتۋ ماسەلەسى ەلىمىزدىڭ باسەكەگە قابىلەتتىلىگى مەن يننوۆاتسيالار دەڭگەيى, مەملەكەتتىڭ ينۆەستيتسيالارعا تارتىمدىلىعى مەن اشىقتىعى, ادام كاپيتالىنىڭ دامۋى سياقتى ستراتەگيالىق ماسەلەلەرمەن تىكەلەي بايلانىستى.
ءبىزدىڭ ويىمىزشا, لاتىن قارپىنە كوشۋ ارقىلى مەملەكەتىمىز الەمنىڭ كوپتەگەن ەلدەرىنە اشىعىراق جانە جاقىنىراق بولادى, ويتكەنى قازىرگى زاماندا مەملەكەتتەردىڭ 75%-دان استامى لاتىن گرافيكاسىن قولدانادى.
قازىرگى تاڭدا الەمدە 6 تۇركى مەملەكەتى بار. قازاقستان لاتىن قارپىن قولداناتىن بەسىنشى مەملەكەت بولادى. قازاقستاننىڭ ازەربايجان, تۇركيا, وزبەكستان مەن تۇرىكمەنستان سياقتى ورتالىق ازيا جانە كاسپي تەڭىزى اۋماعىنىڭ مەملەكەتتەرىمەن ودان ءارى جاقىنداسۋى مەن قارىم-قاتىناستارىنىڭ كۇشەيۋى, بۇل ينتەگراتسيا مەن كورشىلەس قارىم-قاتىناستاردىڭ كۇشەيۋى بولىپ تابىلادى.
مەنىڭ ويىمشا, لاتىن قارپىنە كوشۋدىڭ بارلىق العىشارتتارى بار. بىزدە 100% جاپپاي ساۋاتتىلىق, كۇندەلىكتى ومىردە ۇيالى تەلەفوندى, ينتەرنەتتى قولدانۋ بارىسىندا ءاربىر قازاقستاندىق دەرلىك ءىس جۇزىندە لاتىنشا جازادى جانە وقيدى.
«رۋحاني جاڭعىرۋ» باعدارلاماسى جارىققا شىققان بويدا ءبىز ەلىمىزدىڭ ايماقتارىنا ساپار شەگىپ, ءوڭىر تۇرعىندارىمەن كوپتەگەن كەزدەسۋلەر وتكىزىپ, قازاقستاندىقتاردىڭ اتالعان باعدارلاماعا قىزىعۋشىلىق تانىتقاندىقتارىن جانە ءبىرىنشى كەزەكتە مەملەكەتتىك ءتىلدىڭ لاتىن قارپىنە كوشۋ ماسەلەسىنە قولداۋ ءبىلدىرىپ وتىرعاندىقتارىن كوردىك.
وتانداستارىمىزدىڭ باسىم كوپشىلىگى ەلباسىنا قولداۋ بىلدىرۋدە جانە لاتىن قارپىنە كوشۋ ءۇردىسىن قاجەت دەپ ەسەپتەيدى. كۇنى كەشە عانا پارلامەنتتىك تىڭداۋدا جاڭا قازاق الىپبيىمەن تانىسىپ, ءبىز – كوممۋنيستەر, پارتيالاستارمەن بىرلەسە ونىڭ باسىمدىلىقتارى مەن مۇمكىندىكتەرىن تالقىلاپ, ۇسىنىلعان لاتىن قارپىنىڭ نۇسقاسىن تولىق قولداۋ تۋرالى شەشىمگە كەلدىك.
جالپى, ءبىز بارلىق كۇش-جىگەرىمىزبەن قازاق ءتىلىنىڭ لاتىن قارپىنە كوشۋىن قولداپ, ونىڭ ىسكە اسىرىلۋىن قامتاماسىز ەتۋىمىز قاجەت. ارينە, بۇل جەردە ەڭ نەگىزگىسى بارلىق قوعامدى جۇمىلدىرۋ بولىپ تابىلادى. لاتىن قارپىنە كوشۋ ارقىلى بارلىق تىڭ مۇمكىندىكتەرگە قول جەتكىزەتىنىمىزدى حالىققا ءتۇسىندىرۋىمىز كەرەك.
سوندىقتان, مەن قازاقستان كوممۋنيستەرى اتىنان بارلىق ەل ازاماتتارىن جاڭا قازاق ءالىپبيىن ەنگىزۋ جونىندەگى تالقىلاۋلارعا بەلسەندى قاتىسۋعا شاقىرامىن.
پارلامەنت ءماجىلىسىنىڭ دەپۋتاتى, قكحپ حاتشىسى