بۇگىن اقوردادا ەلباسى نۇرسۇلتان نازارباەۆ وتاندىق جانە شەتەلدىك جۋرناليستەرگە سۇحبات بەرىپ, قوعام ءۇشىن ماڭىزدى سان-سالالى سۇراقتارعا جاۋاپ بەردى.
نۇرسۇلتان نازارباەۆ لاتىن الىپبيىنە ساتىلاي كوشۋ قاجەت ەكەنىن ايتتى.
- لاتىنعا كوشۋ ءبارىن دە الاڭداتىپ جاتىر. بۇل تۋرالى كوپ ايتىلدى, عالىمدار كوپ جۇمىس ىستەدى, تاريحتى قوپاردى, وزگە ەلدىڭ تاجىريبەلەرىن قارادى. ەشقانداي دا ىلگەك بولماسىن دەپ ايتقانمىن. تازا قازاقشا دىبىستار بار - سەگىز ءارىپ. سولاردى كەلتىرىپ بەرۋ كەرەك, ماسەلە وسىندا», دەدى پرەزيدەنت. «پارلامەنتكە تالقىلاۋدى ۇسىنعانمىن, بارلىعى ەسكەرتۋىن ايتتى, قازىر ءجىتى قاراپ جاتىر. ءتىلتانۋشىلار, عالىمدار, تاريحشىلار كەلىسىمگە كەلىپ, ايتسا عانا جاڭا ءالىپبي جايلى جاريا ەتەمىن. كيريلل ءوز ءرولىن ساقتاپ قالادى. سوندىقتان كيريلل قارپىن قولدانىپ, ورىس تىلىندە سويلەيتىندەر الاڭداماي-اق قويسا بولادى. مەندەگى بار مالىمەت بويىنشا, شامامەن 2022 جىلى ءبىرىنشى سىنىپتان لاتىن الىپبيىندە ساباق وتكىزىلە باستايدى, دەدى ەلباسى.سونىمەن قاتار, نۇرسۇلتان نازارباەۆ قىزۋ تالقىعا تۇسكەن ديگرافتار جونىندە پىكىرىن ءبىلدىردى: «مۇندا ماسەلە تۇزەۋدە. قازاقشا 8 ءارىپ بار. سونى دۇرىس بەلگىلەۋ كەرەك. قازاق تىلىندە "يۋ", "يا", "" ارىپتەرى جوق. ياپونيانى «جاپونيا» دەپ ايتامىز. وسى ارىپتەردى قولدانىپ, قازاق ءتىلىن بۇزىپ جاتىرمىز, سوندىقتان نەگىزىن تۇزەيمىز. بۇل وتە ماڭىزدى شارا. مۇندا ءاتۇستى قاراۋعا بولمايدى, سوندىقتان سارالاي كەلە ءوتۋ كەرەك», دەدى ەلباسى.
سونداي-اق, ەلباسى ء"ا" ءارپىنىڭ جاڭا جوبا بويىنشا "اە" بولىپ ەكى ارىپپەن وقىلاتىنى تۋرالى ۋاجگە قاتىستى اعىلشىننىڭ "boeng", "school" سوزدەرىن مىسال رەتىندە كەلتىرىپ, ديگرافتىڭ جاڭا الىپبيگە وتۋدە كەدەرگى ەمەس ەكەنىن جەتكىزدى.
ەستەرىڭىزگە سالا كەتەيىك, ەلباسىنىڭ 2017 جىلعى 12 ساۋىردە جارىق كورگەن «بولاشاققا باعدار: رۋحاني جاڭعىرۋ» ماقالاسىندا لاتىن ءالىپبيىن قولدانىسقا ەنگىزۋ كەرەكتىگىن ايتتى: «2025 جىلعا قاراي ءىس قاعازدارىن, مەرزىمدى ءباسپاسوزدى, وقۋلىقتاردى, ءبارىن دە لاتىن الىپبيىمەن باسىپ شىعارا باستاۋعا ءتيىسپىز (...) ۇكىمەت قازاق ءتىلىن لاتىن الىپبيىنە كوشىرۋدىڭ ناقتى كەستەسىن جاساۋى كەرەك. لاتىنشاعا كوشۋدىڭ تەرەڭ لوگيكاسى بار. بۇل قازىرگى زامانعى تەحنولوگيالىق ورتانىڭ, كوممۋنيكاتسيانىڭ, سونداي-اق, ءححى عاسىرداعى عىلىمي جانە ءبىلىم بەرۋ پروتسەسىنىڭ ەرەكشەلىكتەرىنە بايلانىستى». نازارباەۆتىڭ ايتۋىنشا, الىپبيگە بەيىمدەلۋ كەزەڭىندە بەلگىلى ءبىر ۋاقىت كيريلليتسا ءالفاۆيتى دە قولدانىلا تۇرادى. «مەنىڭشە, بۇل تەز وتەدى. ويتكەنى, بۇگىندە بارلىق بالالار اعىلشىن تىلىندە وقيدى. ال ول لاتىنشا. سىزدەر مەن بىزدەر ءۇشىن دە بۇل ۇلكەن پروبلەما بولماق ەمەس», - دەدى ەلباسى.
مەملەكەت باسشىسىنىڭ ايتۋىنشا, الەمدەگى اقپاراتتاردىڭ 70 پايىزى لاتىن ارىپىمەن تارالادى, عىلىمي-تەحنيكالىق پروگرەس دە وسى تىلدە باسىم جۇرۋدە.
سونىمەن قاتار, ەلباسى لاتىن الىپبيىنە كوشۋ جوباسى سوڭىنا دەيىن تىڭعىلىقتى دايىندالۋى كەرەكتىگىن ەسكەرتتى. سونىمەن قاتار ەلباسى جاڭا قارىپكە كوشۋ ورىس تىلىنەن باس تارتۋ ەمەس ەكەندىگىن جەتكىزدى. 11 قىركۇيەكتە پارلامەنتى ماجىلىسىندە «مەملەكەتتىك ءتىلدىڭ لاتىن گرافيكاسىنداعى ءالىپبيىنىڭ بىرىڭعاي ستاندارتىن ەنگىزۋ ماسەلەلەرى تۋرالى» دەگەن تاقىرىپتا پارلامەنتتىك تىڭداۋ وتكەن بولاتىن. ش.شاياحمەتوۆ اتىنداعى تىلدەردى دامىتۋدىڭ رەسپۋبليكالىق كوورديناتسيالىق-ادىستەمەلىك ورتالىعىنىڭ ديرەكتورى, فيلولوگيا عىلىمدارىنىڭ دوكتورى ەربول تىلەشوۆ قازاق ءالىپبيىنىڭ جاڭا نۇسقاسىن ۇسىندى. جوبادا ۇسىنىلعان دياگرافتار قازنەت قولدانۋشىلارى اراسىندا داۋ تۋدىرىپ, قىزۋ تالقىعا تۇسكەن بولاتىن.