شىمكەنت قالاسىندا وتكەن «دەنساۋلىق-2017» فەستيۆالى اياسىندا وڭتۇستىك قازاقستان وبلىسىنىڭ اكىمى ج.تۇيمەباەۆ گەرمانيانىڭ گامبۋرگ قالاسىندا وتكەن الەم چەمپيوناتىنىڭ التىن جۇلدەگەرى قايرات ەراليەۆ پەن قولا مەدال يەگەرى جومارت ەرجاندى جەڭىستەرىمەن قۇتتىقتاپ, سىي-قۇرمەت كورسەتتى.
نەمىس جەرىندە وتكەن ءدۇبىرلى دودادا ەلىمىزدىڭ قورجىنىنا جالعىز التىندى الىپ بەرىپ, كوك تۋىمىزدى كوككە جەلبىرەتكەن الەم چەمپيونى قايرات ەراليەۆكە وبلىس اكىمى 4 ميلليون تەڭگەنىڭ سەرتيفيكاتىن تابىس ەتتى. ال, الەم چەمپيوناتىنىڭ قولا مەدال جۇلدەگەرى جومارت ەرجانعا 1 ميلليون تەڭگەنىڭ سەرتيفيكاتىن تاپسىردى.
سونىمەن بىرگە, وبلىس اكىمى قايرات ەراليەۆتىڭ جەكە باپكەرى, بوكستان قازاقستان قۇراماسىنىڭ باس جاتتىقتىرۋشىسى مىرزاعالي ايتجانوۆقا 4 ميلليون تەڭگە, ال ءۇشىنشى ورىن يەلەنگەن بوكسشىمىزدىڭ جەكە باپكەرى نۇركەن انداسوۆقا 1 ميلليون تەڭگەنىڭ قارجىلاي سىيلىعىن تابىستادى.
ءوڭىر باسشىسى جەڭىمپاز سپورتشىلارىمىزدىڭ الەم چەمپيوناتىندا كورسەتكەن ەرلىگى جاستاردى وتانشىلدىققا تاربيەلەپ, سپورتقا دەگەن قىزىعۋشىلىعىن ارتتىرۋعا سەپتىگىن تيگىزەتىنىن ايتتى.
«سىزدەر الەمدىك دودادا ەل نامىسىن قولدان بەرمەي, بيىك تۇعىردان كورىندىڭىزدەر. الداعى ۋاقىتتا دا وسى باعىتتارىڭنان تايماي, بيىك بەلەستەردى باعىندىرا بەرۋلەرىنە تىلەكتەستىك بىلدىرەمىن», - دەدى جانسەيىت قانسەيىت ۇلى. قايرات پەن جومارت — بىلىكتى باسشى بالعاباي ەلشيەۆ باسقاراتىن وبلىستىق جوعارى سپورت شەبەرلىگى مەكتەبىنىڭ سايىپقىراندارى. جىگىتتەردىڭ چەمپيوناتقا دايىندالۋىنا وبلىستىق دەنە شىنىقتىرۋ جانە سپورت باسقارماسىنىڭ باسشىسى الىبەك نۇرتاەۆ تا بار جاعدايدى جاسادى. قر بوكس فەدەراتسياسىنىڭ دا ەڭبەگى مول. سەنىم مەن ەڭبەك اقتالىپ, ورەندەرىمىز كوك تۋدى بيىككە ورلەتتى.