كەڭەسكە ماڭعىستاۋ وبلىسىنىڭ اكىمى ەرالى توعجانوۆ, باسقارما باسشىلارى, دەپۋتاتتار, اۋداندار مەن قالالار اكىمدەرىنىڭ ورىنباسارلارى, اۋداندىق, قالالىق مادەنيەت بولىمدەرىنىڭ باسشىلارى, مادەنيەت سالاسىنىڭ ارداگەرلەرى, ايماقتىڭ ونەر مەن مادەنيەت سالاسىنىڭ قىزمەتكەرلەرى قاتىستى, دەپ حابارلايدى ماڭعىستاۋ وبلىسى اكىمىنىڭ ءباسپاسوز قىزمەتى.
ەلباسى «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىندا «بولاشاققا باعدار: رۋحاني جاڭعىرۋ» ماقالاسىندا ۇلت ساناسىن جاڭعىرتۋعا, قازاقستاندىق مادەنيەتتى ىلگەرىلەتۋدە جانە داستۇرلەرىمىز بەن مادەنيەتىمىزدىڭ نارىقتىق قاعيدالار مەن جاھاندىق ەكونوميكاداعى الدىڭعى قاتارلى تەحنولوگيالارمەن سينتەزىن قالىپتاستىرۋعا قاتىستى مادەنيەت-ونەر سالاسىنىڭ قىزمەتكەرلەرىنە ۇلكەن جاۋاپكەرشىلىك جۇكتەدى.
كەلەلى كەڭەستە رۋحاني جاڭعىرۋ بويىنشا وڭىردە اتقارىلعان جۇمىستاردىڭ ورىندالۋى ايتىلىپ, الداعى مىندەتتەر ايقىندالدى.
«رۋحاني جاڭعىرۋ» باعدارلاماسىنىڭ «رۋحاني قازىنا» كىشى باعدارلاماسىنا ەنگەن وبلىستىق تاريحي ولكەتانۋ مۋزەيىنىڭ ماماندارى ۇسىنعان زاماناۋي ەتنواۋىل جوباسىن جاساقتاۋ بويىنشا تامارا جۇماليەۆا, ء وڭىردىڭ ءداستۇرلى مۋزىكالىق مەكتەبىن ناسيحاتتاپ, رۋحاني مۇراسىن دارىپتەۋ ءۇشىن جاساقتالاتىن ەلەكتروندىق سايت جوباسى بويىنشا ولكەتانۋشى سۇلتانبەك قۇدايبەرگەن, ولكەنىڭ تاريحي-مادەني قۇندىلىقتارىن زەرتتەۋ, ساقتاۋ جانە ناسيحاتتاۋ شارالارى بويىنشا ماڭعىستاۋ مەملەكەتتىك تاريحي-مادەني قورىعى ديرەكتورنىڭ ورىنباسارى مارات وتەسىنوۆ, 2003 جىلى ەلباسىنىڭ تاپسىرماسىمەن ارنايى اشىلعان ن.ءجانتورين اتىنداعى مۋزىكالىق دراما تەاترىنىڭ وزەكتى ماسەلەرى تۋرالى تەاتر ديرەكتورى نۇرنياز مۇقان ۇلى بايانداما جاسادى.
- قر پرەزيدەنتى ن.ءا. نازارباەۆ بيىلعى «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا وزىق رۋحاني جاڭعىرۋدى ساياسي جانە ەكونوميكالىق جاڭعىرۋلاردىڭ وزەگى دەپ اتاپ, «مادەني مۇرا» جانە «حالىق – تاريح تولقىنىندا» باعدارلامالارىنان دا اۋقىمدى, ىرگەلى جۇمىستاردى جۇزەگە اسىرۋ قاجەت ەكەنىن ايتتى. ماسەلە وزىندىك مادەنيەتتىڭ بەرىك ىرگەتاسىندا ءبىزدىڭ حالقىمىزعا دامىعان مەملەكەتتەردىڭ قاتارىنا كىرۋ جولىن سەنىممەن جالعاستىرۋعا مۇمكىندىك بەرەتىن ۇزدىك سالت-داستۇرلەر مەن جاڭا قۇندىلىقتاردى دامىتۋ تۋرالى بولىپ وتىر. مەملەكەت باسشىسى اتاپ كورسەتكەن قوعامدىق سانانى جاڭعىرتۋدىڭ نەگىزگى باعىتتارىنىڭ ءبىرى: ۇلتتىق جانە مادەني بىرەگەيلىكتى ساقتاۋ. ۇلتتىق سالت-داستۇرلەرىمىز, ءتىلىمىز بەن مۋزىكامىز, ادەبيەتىمىز, جورالعىلارىمىز, ءبىر سوزبەن ايتقاندا ۇلتتىق رۋحىمىز بويىمىزدا ماڭگى قالۋعا ءتيىس, - دەدى ماڭعىستاۋ وبلىسىنىڭ اكىمى ەرالى توعجانوۆ.
سونىمەن قاتار, ءوڭىر باسىشىسى استانادا وتكەن ماڭعىستاۋدىڭ مادەنيەت كۇندەرىنىڭ جوعارى دەڭگەيىندە وتۋىنە ەرەكشە ۇلەس قوسقان مادەنيەت سالاسىنىڭ بىرقاتار ازاماتتارىن العىس حاتپەن ماراپاتتادى. ايتا كەتەيىك, سوڭعى 3 جىلدا وبلىستاعى ونەر ۇجىمدارى 80 جاس مامانمەن تولىقتى. بيىلعى جىلى رەسپۋبليكامىزداعى ونەر سالاسى بويىنشا جوعارى وقۋ ورىندارىن بىتىرگەن 24 جاس قىزمەتكە كىرىستى. باسقوسۋدا وڭىردەگى مادەنيەت ونەر سالاسىنىڭ كوپتەگەن وزەكتى ماسەلەرى تالقىلانىپ, ۇسىنىستار بەرىلدى.