كەشە پرەمەر-مينيستر باقىتجان ساعىنتاەۆ ExxonMobil Production سو. كومپانياسىنىڭ پرەزيدەنتى ن.داففين باستاعان اتالعان ۇيىمنىڭ وكىلدەرىمەن كەزدەسۋ وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى.
كەزدەسۋ بارىسىندا ExxonMobil كومپانياسىنىڭ قازاقستانداعى قازىرگى قىزمەتى تۋرالى ماسەلەلەر, سونىڭ ىشىندە تەڭىز جانە قاشاعان مۇناي كەن ورىندارىن يگەرۋ جوبالارىن ىسكە اسىرۋ ماسەلەلەرى تالقىلاندى.
ايتا كەتۋ كەرەك, كومپانيا قازاقستاندا 1993 جىلدان باستاپ جۇمىس ىستەيدى جانە ەلىمىزدەگى العاشقى ءىرى ينۆەستورلاردىڭ ءبىرى.
ExxonMobil تەڭىزدە كەن ورنى بار «تەڭىزشەۆرويل» جشس-ىندە – 25%, قاشاعان كەن ورنى مەن كاسپي قۇبىرى جەلىسى كونسورتسيۋمىنە 7,5% ۇلەسكەرلىك قاتىسۋدى قامتيتىن سولتۇستىك كاسپي بويىنشا ونىمدەردى ءبولۋ تۋرالى كەلىسىم اياسىندا 16,81% ۇلەستىك قاتىسۋعا يە.