وڭتۇستىك كورەيادا TourdeDMZ 2017 تاسجولىنداعى كوپكۇندىك ۆەلوجارىس ءوز مارەسىنە جەتتى. ۇلت كۋبوگى كەزەڭدەرىنىڭ ءبىرى سانالاتىن دوداعا جاسوسپىرىمدەردىڭ 21 كومانداسى قاتىستى, ولاردىڭ اراسىندا قازاقستان ۇلتتىق قۇراماسى دا بار, دەپ حابارلايدى «قازاقستان ۆەلوسيپەد سپورتى فەدەراتسياسى».
قازاقستاندىق ۆەلوشاباندوزدار بارلىق ءتورت كەزەڭنىڭ توپتىق جارىسىندا سەنىمدى ءارى ۇيلەسىمدى ويىن كورسەتىپ, باسقا ەلدەردەن كەلگەن قارسىلاستارىنا باستى كلاسسيفيكاتسيادا جەڭىسكە جەتۋلەرىنە مۇمكىندىك بەرمەدى.
كوپكۇندىك جارىستا 17 جاستاعى تالدىقورعاندىق يگور چجان جەڭىمپاز اتاندى. ول سونداي-اق ەكى نوميناتسيا بويىنشا دا ۇزدىك تابىلدى - «ۇزدىك جاس شاباندوز» جانە «ۇپايلار بويىنشا كلاسسيفيكاتسيا».
التىن مەدالدان بولەك, قۇرامامىزدىڭ قورجىنى كۇمىس جانە قولا جۇلدەلەرمەن تولىقتى: ەكىنشى ورىندى دانيل مارۋحين, ال ءۇشىنشى ورىندى ولجاس باەمباەۆ يەلەندى.
سونداي-اق «تاۋداعى كلاسسيفيكاتسيا» بويىنشا دا جەڭىس قازاقستاندىق ولجاس باەمباەۆقا بۇيىردى.
ەۆگەني فەدوروۆ, گلەب برۋسەنسكي مەن نۇربەرگەن نۇرلىقاسىم باستى كلاسسيفيكاتسيادا سايكەسىنشە 4-ءشى, 6-شى جانە 9-شى ورىندارعا جايعاستى.
ەسكە سالايىق, 2017 جىلى تاسجولداعى ۆەلوسيپەد سپورتىنان الەم چەمپيوناتى 16-24 قىركۇيەك ارالىعىندا نورۆەگيادا وتەدى.