كەشە قاسيەتتى قۇربان ايتتىڭ مەرەكەلىك نامازىنان كەيىن «التىن تاعا» مال بازارىندا «راببىڭ ءۇشىن قۇربان شال» شاراسى ءوتتى. بۇل تۋرالى «نۇر استانا» ورتالىق مەشىتىنىڭ ءباسپاسوز قىزمەتى حابارلادى.
ءداستۇرلى سيپات العان يگى شاراعا قازاقستان مۇسىلماندارى ءدىني باسقارماسىنىڭ باس ءمۇفتيى ەرجان قاجى مالعاجى ۇلى, «نۇر استانا» ورتالىق مەشىتىنىڭ باس يمامى ناۋرىزباي قاجى تاعان ۇلى جانە قالا يمامدارى قاتىستى.
بيىل استانا اكىمدىگى قاسيەتتى مەرەكەدە قۇرباندىق شالۋعا ون نىسان بەكىتكەن بولاتىن. «التىن تاعا» بازارىندا قۇربان ايتتىڭ العاشقى كۇنىندە جالپى سانى 70 باس ءىرى قارا مال قۇرباندىققا شالدى. باس ءمۇفتي يگى شاراعا ءۇن قوسقان ىزگى جۇرەكتى حالىقپەن بىرگە مەرەكەلىك داستارحاننان ءدام تاتىپ, ۇلىق مەيرامنىڭ قادىر-قاسيەتىن ارتتىرىپ, قايىرىمدىلىققا دەن قويعان بارشا جانعا العىس-تىلەگىن جەتكىزدى. ساۋاپتى اكتسيادا شالىنعان قۇرباندىق ەتتەرى قالا اكىمدىگىمەن بىرلەسە وتىرىپ, الەۋمەتتىك تۇرمىس-احۋالى تومەن وتباسىلارعا تاراتىلۋ ۇستىندە. ايتا كەتەيىك, «راببىڭ ءۇشىن قۇربان شال» شاراسى ءۇشىنشى قىركۇيەككە دەيىن جالعاسادى.