وبلىس ورتالىعىنداعى قالالىق ساياباقتا ەتنومادەني بىرلەستىكتەر اراسىنداعى ء«بىر شاڭىراق اياسىندا» اتتى فەستيۆال قالىپتاسقان ءداستۇر بويىنشا جىل سايىن وتكىزىلەدى. بيىل اسسامبلەيانىڭ جەرگىلىكتى فيليالى بۇل فەستيۆالدى ەكسپو-2017 كورمەسىنە ارنادى. فەستيۆالدە چۋۆاش ەتنو-مادەني بىرلەستىگى ءوز ونەرلەرىن كورسەتتى. بىرلەستىك 20 جىل بويى ەل بىرلىگىن ساقتاۋدا قىزمەت ەتىپ كەلەدى. وبلىسقا تانىمال «سەسپەل» چۋۆاش فولكلورلىق ءانسامبلى حالىق اندەرى مەن بيلەرىن ورىندادى. قالالىق ساياباققا جينالعان تۇرعىندار چۋۆاش حالقىنىڭ اندەرىن تىڭداپ, مادەنيەتىمەن, ۇلتتىق تاعامدارىمەن جانە سالت-داستۇرلەرىمەن تانىستى. سونداي-اق, قازاق جانە ورىس اندەرى دە شىرقالدى. فولكلورلىق انسامبل چەبوكسارىدا وتكەن جالپىرەسەيلىك «رودنيكي پوۆولجيا» فەستيۆالىندە لاۋرەات اتانعان ەكەن.
مەرەكەگە جينالعان جۇرتشىلىق چۋۆاشتاردىڭ ءدامدى بالىشتەرىنەن دە اۋىز ءتيدى. ەتنو-مادەني بىرلەستىكتىڭ باسشىسى ەلەنا سافرونوۆانىڭ ايتۋىنشا, جالپى چۋۆاش ءتىلى وسىدان ون جىلداي ۋاقىت بۇرىن «قىزىل كىتاپقا» ەنىپتى. وبلىستا وتەتىن وسىنداي مەرەكەلەردە ۇلتتىق فولكلورلىق انسامبل جاستاردىڭ ءوز حالقىنىڭ سالت-ءداستۇرىن, ءان-بيلەرىن, انا ءتىلىن ۇمىتپاۋلارى ءۇشىن قاجەت.
اسسامبلەيادا ءتىل ۇيرەتۋ ۇيىرمەلەرى جۇمىس ىستەيدى. بۇل ماقساتتى ويدى چۋۆاشيادان كەلگەن ۇلتتىق كونگرەسس مۇشەسى ۆ.فەدوتوۆ قۇتتىقتاۋ سوزىندە دە اتاپ ءوتتى. بۇگىندە وڭىردە 700-گە جۋىق چۋۆاش تۇرادى. از بولسا دا بىرلىگى مەن تىرلىگى جاراسقان, تۇركىتىلدەس باۋىرلاستار قازاق جەرىن وتانىنداي كورىپ, ۇلتتىق قۇندىلىقتارىن ساقتاپ, تۋعان تىلدەرىن جاڭعىرتىپ كەلەدى.
فاريدا بىقاي, «ەگەمەن قازاقستان» فوتو: ماقسات ايتباەۆ پاۆلودار وبلىسى