اتىراۋ تۇرعىندارى كونستيتۋتسيا كۇنىنە ۇيىمداستىرىلعان جəرمەڭكەدە كوكونىستەردى بازار نارىعىنان 15-20 %-كە ارزان باعاعا الدى, - دەپ حابارلايدى اتىراۋ وبلىسى وڭىرلىك كوممۋنيكاتسيا قىزمەتى.
جəرمەڭكەگە ايماقتاعى 20-دان استام شارۋاشىلىق قاتىسىپ, 10 توننا كوكونىس, باقشا داقىلدارى مەن جارتى توننادان استام بالىق ونىمدەرىن ۇسىندى. اتىراۋ وبلىسىندا مەملەكەتتىڭ قولداۋى ارقاسىندا ەگىندىك القاپ كولەمى جىل ساناپ ارتىپ كەلەدى. قازىر وڭىردە پياز, ءسəبىز, قىزىلشا سەكىلدى باقشا ونىمدەرىنە تاپشىلىق جوق. ماماندار كارتوپ يمپورتىنىڭ تومەندەگەنىن ايتادى. بيىل 22,9 ميلليارد تەڭگەنىڭ اۋىل شارۋاشىلىعى ونىمدەرى ءوندىرىلدى. ايماقتا اۋىل شارۋاشىلىعى, ەگىن شارۋاشىلىعى ونىمدەرىن شىعارۋ مەن وڭدەۋ ءىسى دامىپ كەلەدى. تامشىلاتىپ سۋارۋ ءəدىسى 2 300 گەكتار جەرگە قولدانىلادى.
- كونستيتۋتسيا كۇنىنە ارنالعان وسى شارامەن اۋىل شارۋاشىلىعى ونىمدەرىنىڭ جəرمەڭكەسىن باستاپ وتىرمىز, ول كۇز بويى جالعاسادى,- دەيدى اتىراۋ قالالىق كəسىپكەرلىك جəنە تۋريزم ءبولىمىنىڭ باسشىسى رۋسلان يبراەۆ.
- ايماقتاعى تاۋار وندىرۋشىلەردى الداعى شارالارعا بەلسەندى قاتىسۋعا شاقىرامىز. اكىل شارۋاشىلىعى ءونىمىن وندىرۋشىلەر ءۇشىن قولايلى جاعداي جاسالادى. "سارايشىق" بازارىنان ونىمدەرىن ساتۋعا ورىندار تەگىن بەرىلەدى. ال تۇتىنۋشىلار جوعارى ساپالى جەرگىلىكتى ونىمدەردى قولجەتىمدى باعادا الادى. كوممۋنالدىق بازار كəسىپكەرلەرگە ساۋدا جاساۋ قىزمەتىنىڭ كەشەندى ءتۇرىن ۇسىنادى.
رۋسلان يبراەۆتىڭ ايتۋىنشا, جەرگىلىكتى وندىرۋشىلەردىڭ اۋىل شارۋاشىلىعى ونىمدەرىنىڭ جəرمەڭكەسى "سارايشىق" بازارىنىڭ الاڭىندا سالقىن تۇسكەنشە ۇيىمداستىرىلادى.
باقىتگۇل باباش,
«ەگەمەن قازاقستان»