قازىرگى كۇنى قۇرىلىسى قازانداي قايناپ جاتقان «باتىس -2» تۇرعىن-ءۇي اۋدانى اۋماعى وسىدان 5-6 جىل بۇرىن قۇلازىعان ماڭ دالا بولىپ ەدى دەسەك بۇعان ەشكىم قاپەلىمدە سەنە قويماس ەدى.
سەنسەڭىز دە, سەنبەسەڭىز دە ناقتى شىندىق وسىنداي. قازىر بۇل ارا الىپ قۇرىلىس الاڭىنا اينالعان. ەگەر وتكەن جىلى وبلىستا 610 مىڭ شارى مەتردەن استام تۇرعىن-ءۇي پايدالانۋعا بەرىلىپ, بەس مىڭنان استام وتباسى قونىس تويلارىن تويلاعان بولسا, سونىڭ دەنى «باتىس-2» -دە بوي كوتەرگەن. ال وڭىردە بيىل «نۇرلى جەر» باعدارلاماسى بويىنشا سالىنىپ جاتقان ۇيلەردىڭ ۇلەسى مەن مولشەرى بۇل كورسەتكىشتەن الدەقايدا جوعارى.
قازىرگى كەزدە «نۇر اقتوبە» تۇرعىن-ءۇي ماسسيۆىندە كوپ قاباتتى تۇرعىن-ۇيلەر پايدانۋعا بەرىلىپ, ءۇي كەزەگىندە تۇرعاندارعا ونىڭ كىلتتەرى تاپسىرۋ داستۇرگە اينالعان. كەشە كونستيتۋتسيا كۇنى قارساڭىندا مۇندا تاعى دا 40 وتباسى باسپانالى بولىپ, قۋانىشقا كەنەلدى. ولارعا اقتوبە وبلىسىنىڭ اكىمى بەردىبەك ساپارباەۆ سۋ جاڭا پاتەرلەردىڭ كىلتىن سالتاناتتى جاعدايدا تابىس ەتتى. باسپاناعا يە بولعاندار بۇعان تۇرعىن-ءۇي قۇرىلىس جيناق بانكىنە جيناعان سالىمدارى ارقىلى قول جەتكىزگەن.
تەمىر قۇسايىن, «ەگەمەن قازاقستان»