قيعاشتىڭ جاعاسى تازالاندى

شارانىڭ اشىلۋ سالتاناتىندا قۇرمانعازى اۋدانىنىڭ اكىمى بيبوز شاياحمەتوۆ: «قور­شا­عان ورتانى تازا ۇستاۋ, قور­عاۋ بارشامىزدىڭ ورتاق پا­رى­­ز­ىمىز. ەكى ەلدىڭ اراسى­نان وتە­­تىن قيعاش وزە­نىنىڭ ەكو­نو­­ميكالىق ما­ڭىزى زور. بۇل وزەن قوس مەم­لەكەت ءۇشىن دە اۋىل شا­رۋاشىلىعى مەن تۇر­عىن­­­داردى سۋمەن قامتۋدا ما­­ڭىز­­دى ءرول اتقارادى. وسى شا­راعا وزەن بويىندا ور­­نا­لاس­قان وكرۋگتەرىمىز ات­­­سالىسادى. اتالعان اكتسيا قيعاشتىڭ وڭ جا­نە سول جا­عالاۋىن قامتيدى. رە­سەي جا­­عى ارعى بەتىن تازالاي­دى. عا­سىرلار بويى ىرگەلەس كە­لە جات­­قان ەكى ەلدىڭ تاتۋلىعى جا­­را­سا بەرسىن», دەدى.

رەسەي فەدەراتسياسى استرا­حا­ن وبلىستىق تابي­عات­تى پاي­­دا­لانۋ جانە قور­­شاعان ورتانى قور­عاۋ قىز­مەتى باسشىسىنىڭ ورىن­با­سارى مارينا گالكينا: «مۇن­­داي شارالاردى بىرىگىپ وت­­كىزۋ داستۇرىمىزگە اي­نال­دى. ءوزارا ىن­تىق­ماق­تاستىعىمىز ال­دا­عى جىل­دار­­دا دا جال­عاسىن تا­بادى دەپ ويلايمىن, – دەي كە­لىپ, استراحان وبلىسى ۇكى­مە­تىنىڭ العىس حاتىن اتى­راۋ وبلىستىق تابيعي رەسۋرس­تار جانە تابيعاتتى پايدالانۋ­دى رەتتەۋ باسقارماسىنىڭ باس­شى­سىنىڭ ورىنباسارى وراق بيسەمبيەۆكە, استراحان وبلىستىق تابيعاتتى پايدالانۋ جانە قورشاعان ورتانى قور­عاۋ قىزمەتىنىڭ العىس حاتىن اۋ­دان اكىمى بيبوز شاياحمەتوۆكە تا­بىس ەتتى. 

اتىراۋ وبلىستىق تابي­عي رەسۋرستار جانە تا­بي­عات­تى پايدالانۋدى رەتتەۋ باس­قارماسىنىڭ باس­شى­سىنىڭ ورىنباسارى وراق بيسەمبيەۆ: «تازا جا­عالاۋ» اكتسياسىن وتكىزۋ كوپ­ت­ەن بە­رى جالعاسىن تاۋىپ كەلە جات­قان يگى ىستەردىڭ ءبىرى. بي­­ىل ەلباسىمىز نۇر­سۇل­­تان نازارباەۆ ءوزىنىڭ «بو­لاشاققا باعدار: رۋحاني جاڭعىرۋ» اتتى ما­قا­لاسىن جاريالادى. اتال­عان تۇجىرىمدامادا ال­تى باعىت بەلگىلەنگەن. سو­نىڭ ءبىرىنشىسى «تۋعان جەر». ونىڭ تۋعان جەردەن باس­تا­لۋى­نىڭ وزىندە ۇلكەن ءمان جاتىر», دەدى.

اكتسيا بارىسىندا قي­عاش وزەنىنىڭ جاعالاۋىن ت­ا­زار­تۋ جۇمىستارىنا سافون, بىرلىك, كۋدرياشوۆ, بايدا, شورتانباي, قيعاش, دىڭ­عىزىل اۋىلدىق وكرۋگ­تەرىنەن كەلگەن تۇرعىندار دا قاتىستى.

قانات عۇماروۆ

اتىراۋ وبلىسى, قۇرمانعازى اۋدانى, گانيۋشكين اۋىلى