قازاقستانداعى مەكتەپ وقۋشىلارى «قوعام جانە ءدىن» اتتى جاڭا وقۋلىقتارمەن قامتىلماق. بۇل تۋرالى بۇگىن ۇكىمەتتە وتكەن ءباسپاسوز ءماسليحاتىندا ءدىن ىستەرى جانە ازاماتتىق قوعام ءمينيسترى نۇرلان ەرمەكباەۆ ايتتى.
ء«بىلىم جانە عىلىم مينيسترلىگىمەن بىرلەسە «قوعام جانە ءدىن» دەگەن جۇمىس اتاۋىمەن جاڭا وقۋلىق بويىنشا شارالار ىسكە اسىرىلىپ جاتىر. كىتاپ مەكتەپ باعدارلاماسىنا ەنگىزىلەتىن بولادى. وندا الەمدىك دىندەر مەن مەملەكەتتىڭ وركەنيەتىنە قاتىستى ءبىلىم بەرۋدە عىلىمي كونتەنت كۇشەيتىلگەن»,-دەدى ەرمەكباەۆ.
ۆەدومستۆو باسشىسى وقۋلىق الداعى وقۋ جىلىنىڭ ەكىنشى جارتىسىنا نەمەسە 2018-2019 وقۋ جىلىنا ازىرلەنەتىنىن اتاپ ءوتتى. سونىمەن قاتار ول سايتتاردى مونيتورينگىلەۋدەن بولەك, كىتاپتاردى ساراپتامادان وتكىزۋ جۇمىستارى جۇرگىزىلىپ جاتقانىن ايتتى.
«2017 جىلى ساراپتامادان 1,5 مىڭنان استام وسىنداي نىسان ءوتتى, ونىڭ ىشىندە قىلمىستىق-اتقارۋ جۇيەسىندەگى كىتاپحانا قورى دا بار, ياعني باس بوستاندىعان ايىرۋ ورىندارىنداعى كىتاپ قورى تالداۋمەن قامتىلدى. اعىمداعى جىلى باس بوستاندىعىنان ايىرۋ مەكەمەلەرىندە دەسترۋكتيۆتى مازمۇنداعى 13 كىتاپ انىقتالدى» ,- دەدى مينيستر.