بۇگىن شىمكەنت قالاسىنداعى وبلىستىق ورىس دراما تەاترىندا قازاقستان رەسپۋبليكاسىنىڭ كونستيتۋتسيا كۇنى مەرەكەسىنە ارنالعان «ايبارى اسقاق - اتا زاڭ» سالتاناتتى ءىس-شاراسى ءوتتى, دەپ حابارلادى وقو اكىمىنىڭ ءباسپاسوز قىزمەتى.
مەرەكەلىك جيىنعا قاتىسقان وڭتۇستىك قازاقستان وبلىسىنىڭ اكىمى ج.تۇيمەباەۆ بارشا ءوڭىر جۇرتشىلىعىن مەرەكەمەن قۇتتىقتاپ, 15 ازاماتتى وبلىس اكىمىنىڭ گراموتاسى جانە العىس حاتىمەن ماراپاتتادى.
ءوز قۇتتىقتاۋ سوزىندە ءوڭىر باسشىسى كونستيتۋتسيا - بىرلىگى مەن ىنتىماعى جاراسقان ەلدىگىمىزدىڭ بۇلجىماس باعدارى, كەمەل كەلەشەگىمىزدىڭ كەپىلى ەكەنىن اتاپ ءوتتى.
«حالىقتىڭ ءوزى داۋىس بەرىپ, قابىلداعان اتا زاڭىمىز وركەنيەتتى مەملەكەتتەردىڭ بارلىعىنا ءتان دەموكراتيالىق قاعيدالارمەن تولىق قامتىلدى. كونستيتۋتسيا بىرلىگىمىزدىڭ تۇراقتىلىعىن, مەملەكەتتىك قۇرىلىم مەن ەلىمىزدىڭ تۇتاستىعىن بەكىتىپ بەردى. ءاربىر ازاماتتىڭ ءوزىن تەڭ سەزىنۋىنە جانە قۇقىقتارىن ساقتاۋىنا بەرىك نەگىز بولدى. جاسامپاز جاڭا داۋىرگە جول اشتى. ەلىمىزدىڭ جەتكەن جەتىستىگى مەن العان بەلەسى وسى تۇعىرلى كونستيتۋتسيامىزدىڭ ارقاسىندا مۇمكىن بولدى»,-دەدى ج.تۇيمەباەۆ.
مەرەكەلىك شارا «اتا زاڭ – ازاتتىقتىڭ ايعاعى, تاۋەلسىزدىكتىڭ تۇعىرى» اتتى ساحنالىق كورىنىس پەن «تاۋەلسىزدىك تاڭى» ءانى, «باقىتتى ەل – باقىتتى وتباسى» سازدى حورەوگرافيالىق قويىلىم, «قۋاتتى ارميا - قۋاتتى قازاقستان» سازدى پاتريوتتىق شەرۋى سىندى كونتسەرتتىك باعدارلامامەن جالعاسىن تاپتى.
جاڭا مەملەكەتىمىزدىڭ قۇقىقتىق نەگىزىن ايقىنداعان كونستيتۋتسيامىزدىڭ قابىلدانعانىنا بيىل 22 جىل تولىپ وتىر.