تيم كۋك Twitter-دە Apple زاۋىتتارىنىڭ بىرىنە ساپارىنان سۋرەتىن جاريالانعان بولاتىن.
الەۋمەتتىك جەلىنىڭ قولدانۋشىلارى كورپوراتسيا باسشىسىنىڭ قالتاسىندا iPhone 8 تۇر دەپ بولجاۋدا. بۇل تۋرالى The Verge سايتى حابارلايدى. سۋرەت ارقىلى جاڭا قۇرىلعىنىڭ ەرەكشەلىگى بىلىنبەيدى. سمارتفوننىڭ تىكتورتبۇرىشتى فورماسى مەن كولەمى عانا بايقالادى.
2017 جىلدىڭ 17 ماۋسىمىندا «ماكدونالدستىڭ» اۋستراليالىق ءبولىمى ءوزىنىڭ قوسىمشاسىنىڭ جارناماسىن جاڭا iPhone-نىڭ سۋرەتىمەن تاراتىپ جىبەرگەنى حابارلانعان بولاتىن. ينسايدەر ۆەنيامين گەسكيننىڭ ايتۋى بويىنشا, «ماكدونالدس» بۇل سۋرەتتەردى سىبىستارعا سۇيەنىپ جاساعان.
ال 15 ماۋسىمدا عالامتوردا Foxconn زاۋىتىنان iPhone 8 قۇراستىرىلىپ جاتقان ۆيدەو جاريالاندى.
ۆيدەو جاسىرىن تۇسىرىلگەن, سول سەبەپتى ساپاسى تومەن. بىراق سمارتفوننىڭ ارتقى پانەلى ينسايدەرلەر بۇرىن جاريالاعان سۋرەتتەرىنە وتە ۇقساس كەلەدى.
iPhone 8 سمارتفونىن 2017 جىلى كۇزدە Apple كومپانياسىنىڭ كورسەتىلىمىندە تانىستىرادى. بولجامدار بويىنشا قۇرىلعى ساۋساق ءىزى سكانەرىنىڭ ورنىنا قولدانۋشىنىڭ بەتىن سكانەرلەيتىن فۋنكتسيا پايدا بولادى. سونىمەن قاتار, The Verge حابارلاۋىنشا جاڭا قۇرىلعىنىڭ قۇنى $999 بولادى.