SpaceX جانە Tesla كومپانيالارىنىڭ نەگىزىن قالاعان يلون ماسك جانە DeepMind باسشىسى مۇستافا سۇلەيمان سياقتى بەلگىلى ادامدار دا قول قويعان اشىق حاتتا قارۋ جاساۋدا جارىسۋ وسى سالاداعى وق-ءدارى مەن يادرولىق قارۋ سياقتى ءۇشىنشى رەۆوليۋتسياعا الىپ كەلەتىنىن ەسكەرتەدى.
«قارۋلانۋدىڭ جاڭا ءتۇرى ديكتاتورلار مەن تەرروريستەردىڭ قارۋىنا اينالۋى مۇمكىن. حاكەرلەر ونىڭ باعدارلاماسىن بۇزىپ كىرىپ, كەرى ماقساتتا پايدالانا الادى», - دەلىنگەن حابارلامادا. ادامنىڭ قاتىسىنسىز سوعىس ارەكەتتەرىن جۇرگىزە بەرەتىن روبوتتەحنيكا تۋرالى حات بۇۇ-عا مەلبۋرندا وتكەن كونفەرەنتسيا كەزىندە جولدانعان بولاتىن. جاقىندا بۇۇ اۆتونومدى ۇشاتىن اپپاراتتار, تانكىلەر مەن پۋلەمەتتەردى جاساپ شىعارۋدى رەسمي تالقىعا شىعارماق.
The Guardian مالىمەتى بويىنشا, اۆتونومدى تۇردە ۇشاتىن قارۋ تۇرلەرى قازىر دە بار, ماسەلەن, Samsung جاساپ شىعارعان SGR-A1 كۇزەتشىسى. بۇل تەحنيكا ادامنىڭ بۇيىرىعىن كۇتپەسەتەن, ءوز بەتىمەن وق اتا بەرە الادى. سونىمەن قاتار, سوعىس روبوتتارىن جاساۋ جۇمىستارى اقش پەن رەسەيدە ءجۇرىپ جاتقان كورىنەدى. سونىڭ ىشىندە تانكىلەردى جويۋعا ارنالعان «ۋران-9» روتوتەحنيكالىق كەشەن تۋرالى ايتىلادى.
tengrinews.kz