«ەكسپو-2017» حالىقارالىق كورمەسى اياسىندا وڭتۇستىك كورەيا پاۆيلونى اتا-انا قامقورلىعىنسىز قالعان بالالارعا ۆەلوسيپەد ۇلەستىردى. قايىرىمدىلىق اكتسياسى شەڭبەرىندە تابىستالعان ۆەلوسيپەدتەردى تارتۋ ەتۋدە كورمە قوناقتارىنىڭ دا ۇلەسى زور.
اتالعان شارا كورەيا پاۆيلونى كورپوراتيۆتىك الەۋمەتتىك جاۋاپكەرشىلىك باعدارلاماسى اياسىندا جۇرگىزىلدى. از ۋاقىت بۇرىن كورەيا پاۆيلونىنىڭ ءۇشىنشى قاباتىندا كورمە قوناقتارىنا ۆەلوسيپەد قۇراستىرۋ بويىنشا قايىرىمدىلىق اكتسياسىنا قاتىسۋ تۋرالى ۇسىنىس جاسالعان بولاتىن. ياعني, پاۆيلون قوناقتارى گەنەراتوردان «ەنەرگەتيكالىق ءدان» وندىرەتىن ارنايى ويىنعا قاتىستى. ەنەرگەتيكالىق ءدان گەنەراتوردىڭ پانەلىن باسقان سايىن وندىرىلەدى. ءاربىر جينالعان 5 مىڭ ءدان ءۇشىن ءبىر ۆەلوسيپەد بەرىلەدى.
ناتيجەسىندە جينالعان 32 ۆەلوسيپەدتى تارتۋ ەتۋ ءۇشىن پاۆيلون وكىلدەرى «SOS قازاقستانداعى بالالار اۋىلىنا» ارنايى ات باسىن بۇردى. شاراعا قاتىسقان كورەي اگەنتتىگى ساۋدا جانە ينۆەستيتسيالار بويىنشا كليەنتتەردى قولداۋ قىزمەتىنىڭ باسشىسى سون سوك گي قايىرىمدىلىق شاراسىنا بەلسەنە قاتىسقان قوناقتارعا العىسىن ءبىلدىردى.
«بالالار, سىزدەر وسى قايىرىمدى قالا تۇرعىندارىمەن بىرگە مىقتى ادام بولىپ وسەتىندەرىڭىزگە سەنەمىن. بولاشاقتىڭ ناعىز ەنەرگياسى – وزدەرىڭىز. كورەيا تۋرالى ءاردايىم جاقسى اسەر قالدىرعىمىز كەلەدى», دەدى سون سوك گي.
ۇيىمداستىرۋشىلاردىڭ ايتۋىنشا, يگى ءىس «ەكسپو-2017» كورمەسى اياقتالعانعا دەيىن جالعاسپاق. ءارى كورمە قوناقتارىمەن بىرگە وندىرىلەتىن ۆەلوسيپەدتەردىڭ سانىن 50-گە جەتكىزۋدى مەجەلەپ وتىر.
كورپوراتيۆتىك بالالار اۋىلىنىڭ ديرەكتورى مىندەتىن اتقارۋشى دانا ەگەشباەۆا قازاقستانداعى SOS بالالار اۋىلىندا بۇگىندە 300-گە جۋىق بالا تاربيەلەنىپ جاتقانىن اتاپ ءوتتى. ونىڭ ايتۋىنشا, الەۋمەتتىك ۇيىم مۇقتاج بالالار مەن وتباسىلارعا قولداۋ كورسەتۋ ماقساتىندا ءتۇرلى جوبالار مەن باعدارلامالاردى جۇزەگە اسىرىپ كەلەدى.
ايا ءومىرتاي,
«ەگەمەن قازاقستان»