9 قىركۇيەكتە استانادا وتەتىن قانات يسلام مەن كانادالىق برەندون كۋكتىڭ جەكپە-جەگىنە قىتايداعى جانە كاناداداعى جانكۇيەرلەر 5 مىڭ ورىنعا تاپسىرىس بەرگەن. بۇل تۋرالى «Qazaq promotions» كومپانياسىنىڭ ءباسپاسوز قىزمەتىنە سىلتەمە جاساپ Baq.kz اقپارات اگەنتتىگى جازدى.
«بيلەتتەر قازىر وتە جاقسى ساتىلىپ جاتىر. قىتايداعى جانكۇيەرلەر 3 مىڭ, كانادالىقتار 2 مىڭ بيلەت سۇراتىپ وتىر. قوناقتاردى كۇتۋ ءۇشىن ءالى دە دايىندىق جۇمىستارى ءجۇرىپ جاتىر. «سارىارقا» ۆەلوترەگى جالپى 11 مىڭ ادامعا ارنالعان. شەتەلدىك باق وكىلدەرى دە كەزدەسۋ كەشىنە قىزىعۋشىلىق تانىتىپ وتىر», – دەيدى «Qazaq promotions» كومپانياسىنىڭ ءباسپاسوز قىزمەتى.
ەسكە سالا كەتەيىك, 9 قىركۇيەك كۇنى استاناداعى «سارىارقا» ۆەلوترەگىندە كاسىپقوي بوكس كەشى وتەدى. كەشتىڭ باستى جەكپە-جەگىندە قانات يسلام مەن كانادالىق برەندون كۋك كەزدەسەدى.