بۇگىن تاڭەرتەڭنەن باستاپ استانا اكىمدىگىنىڭ الاڭىندا مەكتەپ جارمەڭكەسى وتۋدە. اتالمىش شارا رەسپۋبليكالىق «مەكتەپكە جول» اكتسياسى اياسىندا ۇيىمداستىرىلدى, دەپ حابارلايدى قالا اكىمدىگىنىڭ مەديا ورتالىعى.
جارمەڭكە ساعات 17:00-گە دەيىن وتەدى, قالا تۇرعىندارى مەن قوناقتارى مەكتەپ فورماسىنان باستاپ وقۋعا قاجەتتى كانتسەلياريالىق قۇرال-جابدىقتاردى ارزان باعامەن ساتىپ الا الادى.
جارمەڭكەدە وتاندىق تاۋار وندىرۋشىلەر جاساپ شىعارعان مەكتەپ فورماسىنىڭ ءتۇر-ءتۇرى ساتىلۋدا. باعا بازاردىڭ باعاسىنان اناعۇرلىم تومەن.
كانتسەلياريالىق قۇرال-جابدىقتار 10%-دان 50%-عا دەيىن, مەكتەپ فورماسى 10%-دان 20%-عا دەيىن, اياق كيىم 10%-دان 25%-عا دەيىن جەڭىلدىكپەن ساتىلۋدا.
جارمەڭكە اياسىندا استانا اكىمدىگىنىڭ ۇيىمداستىرۋىمەن مادەني-ساۋىقتىرۋ باعدارلاماسى ازىرلەنىپ, شىعارماشىلىق ۇجىمداردىڭ كونتسەرتى مەن قۋىرشاقتار تەاترىنىڭ قويىلىمى قويىلدى.