بۇعان دەيىن ءتارتىپ ساقشىلار لاڭكەستىك شابۋىلدى 17 جاستاعى مۋسسا ۋكابير جاسادى دەپ بولجاعان بولاتىن. الايدا, كاتالونيا قۇقىق قورعاۋ ورگاندارىنىڭ باسشىسى حوسەپ لۋيس تراپەرو كەشە كەشكىسىن بۇل بولجامنىڭ ەكىتالاي ەكەنىن اتاپ ءوتتى. جاڭا دەرەكتەر بويىنشا, بارسەلونا ورتالىعىندا جاياۋ جۇرگىنشىلەردى جۇك كولىگىمەن باسىپ ءوتتى دەگەن كۇدىكپەن يۋنەس ابۋياكۋب ىزدەستىرىلىپ جاتىر.
جالپى, بارسەلوناداعى لاڭكەستىكتى ۇيىمداستىرۋعا شامامەن 12 ادامنىڭ قاتىسقانى انىقتالدى. ونىڭ بەسەۋى كامبريلس كۋرورتتى قالاسىنداعى قاقتىعىستان كەيىن پوليتسيا قولىنان قازا تاپتى. قۇقىق قورعاۋشىلار ۇشەۋىنىڭ اتى-ءجونىن انىقتادى. ولار: مۋسسا ۋكابير, سايد الاا مەن موحاممەد حيچامي.
1995 جىلعى يۋنەس ابۋياكۋبتىڭ دا تەرروريستىك ۇياشىقتىڭ وزگە وكىلدەرى سەكىلدى جيرونا پروۆينتسياسىنداعى ريپول كاتالوندىق مۋنيتسيپاليتەتىندە تۇرعانى انىقتالدى.