ايتالىق, قاراعاندى قالالىق №4 ەمحاناسىندا جاعىمدى جاڭالىقتار, ءونىمدى وزگەرiستەر جەتەرلىك. ماسەلەن, ەلەكتروندى قىزمەتتى دامىتۋ – الەمدەگى مەديتسينالىق قىزمەت كورسەتۋدىڭ جاڭا دەڭگەيى. «دەنساۋلىق» مەملەكەتتىك باعدارلاماسىنا سايكەس, ەلىمىزدىڭ مەديتسينالىق قىزمەت كورسەتۋ سالاسىنا يننوۆاتسيالار ەنگىزۋ زامان تالابىنا ساي جاڭا كەزەڭگە كوتەرىلىپ كەلەدى. وسىعان بايلانىستى بىلتىر قاراعاندى وڭىرىندە «ۆيەننا» جشس كومپانياسى مەن وبلىستىق دەنساۋلىق ساقتاۋ باسقارماسى «SOS قىزمەتىمەن ديستانتسيالى بوسانۋعا دەيىنگى پاتروناج» بىرلەسكەن جوباسىن ىسكە قوسقان بولاتىن. اتالعان جوبامەن العاش تاجىريبە جۇرگىزگەن مامانداردىڭ ءبىرى, قاراعاندى قالاسىنىڭ №4 ەمحاناسى ديرەكتورىنىڭ انا مەن بالا دەنساۋلىعىن باقىلاۋ بويىنشا ورىنباسارى جانار باشەكوۆا جايلى اڭگىمەلەمەكپىز. جانار مۇحامەدكارىمقىزى – ناۋقاستاردى ەمدەۋدە كانىگى مامان جانە باي تاجىريبەسىن جاس ماماندارمەن بولىسە بىلەتىن بىرەگەي باسشى. جۇمىسى تىكەلەي انالار مەن بالالارعا قاتىستى دارىگەر «دەنساۋلىق» باعدارلاماسىنىڭ تالاپتارىنا تولىق جاۋاپ بەرەتىن جانە جۇكتىلىك كەزىندەگى انا مەن بالا ولىمىنە توسقاۋىل بولارلىق اسا قاجەتتى مەديتسينالىق كومەكتىڭ ءتۇرىن العاش پايدالانۋدا ءبىرشاما يگىلىكتى ىستەر اتقارىپ وتىر. 1998 جىلى قاراعاندى مەملەكەتتىك مەديتسينا ۋنيۆەرسيتەتىنىڭ پەدياتريا فاكۋلتەتىن ۇزدىك بىتىرگەن جانار باشەكوۆا 2015 جىلدان بەرى №4 قالالىق ەمحانادا ەڭبەك ەتىپ كەلەدى. ايەلدەردىڭ جۇكتىلىك كەزەڭىندەگى دايىندىعى مەن ولاردىڭ دەنساۋلىعىنا جاۋاپتىلىقپەن قاراۋ – باشەكوۆانىڭ باستى مىندەتى. ء«بىزدىڭ ەمحانادا 64792 ادام تىركەلگەن بولسا, ونىڭ 34105-ءى ايەلدەر. بۇگىندە بۇل قوسىمشانى 700-دەن استام جۇكتى انا پايدالانىپ وتىر. سايكەسىنشە, قاراعاندىدا نارەستەلەر مەن انالاردىڭ ءولىم-ءجىتىم سانىن «SOS قىزمەتىمەن ديستانتسيالى بوسانۋعا دەيىنگى پاتروناج» قىزمەتىمەن بىرنەشە ەسە تومەندەتتىك. ول كورسەتكىشتەردى جۇكتىلىك كەزىندە دە, بالا تۋعاننان كەيىن دە 42 كۇن بويى جاقسارتۋعا باعىتتالعان. باعدارلامانى كەز كەلگەن اياعى اۋىر انا ۇيالى تەلەفونىنا تەگىن جۇكتەي الادى. وندا پروفيلاكتيكالىق شارالارعا بايلانىستى تولىق اقپارات, پاتسيەنت پەن دارىگەردىڭ ىنتىماقتاستىعىن جاقسارتۋ, جەدەل جاردەم قىزمەتىنىڭ ساپاسىن ارتتىرۋ كوزدەلگەن», دەيدى ول. بۇگىنگى تاڭدا جۇكتى ايەلدىڭ جاعدايىن باقىلاۋ, ناقتى تۇرعىلىقتى جەرىن ءبىلۋ, جەدەل كومەك كورسەتۋ سمارتفون نەمەسە پلانشەتكە ءموبيلدى قوسىمشا ورناتۋ ارقىلى جۇزەگە اسىرىلا باستادى. قوسىمشادا دارىگەرگە ارنالعان ۆيرتۋالدى جۇمىس كابينەتى جاساقتالعان. وندا دارىگەر قارالۋشىنىڭ بارلىق دەرەكتەرىن تولىق كورە الادى. جالپى, وبلىستىق دەنساۋلىق ساقتاۋ باسقارماسىنىڭ دەرەكتەرىنە سۇيەنسەك, جىل سايىن وڭىردە 22 مىڭ 500 بالا دۇنيەگە كەلەدى. نارەستە ءولىمى 6,9 پايىزعا تومەندەگەن. مىنە, جانار مۇحامەدكارىمقىزىنداي جانداردى ءبىز دارىگەرلەردىڭ ىشىندەگى دانەكەر مامان دەۋىمىزگە بولادى. سەبەبى, ولار انا مەن بالانىڭ اراسىنداعى جاعدايدى تۇراقتى باقىلاۋ, ەمدەلۋشى مەن اق حالاتتى ابزال جانداردىڭ اراسىنداعى جۇمىستى جاقسارتۋ جاعىنا ۇنەمى كوڭىل ءبولىپ وتىراتىن تالاپشىل ءارى تاباندى جۇمىس اتقاراتىن قىزمەتكەرلەر. مىسالى, بىلتىر سوزىلمالى جۇرەك اقاۋىنا ۇشىراپ, بالا تابۋىنا تىيىم سالىنعان انانىڭ جۇكتىلىك كەزەڭىن تولىق قاداعالاپ, امان-ەسەن ۇل بالا دۇنيەگە كەلىپ, جاس نارەستە مەن تاۋەكەلشىل اناعا جارىق ساۋلەنى قاتار سىيلاي ءبىلدى.
ميراس اسان, «ەگەمەن قازاقستان»
قاراعاندى وبلىسى