ول بۇل تۋرالى ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە وتكەن قازاقستان رەسپۋبليكاسى پرەزيدەنتى جانىنداعى قوعامدىق سانانى جاڭعىرتۋ باعدارلاماسىن ىسكە اسىرۋ جونىندەگى ۇلتتىق كوميسسياىڭ ءۇشىنشى وتىرىسى بارىسىندا ايتتى.
– ۇلتتىق كوميسسيانىڭ كەزەكتى وتىرىسىندا كەلەلى ماسەلەلەر ايتىلدى. بۇل وتە كۇردەلى, وزەكتى جۇمىس. قوعامدىق سانانى جاڭعىرتۋعا دەيىن ەلىمىز جاڭعىرۋدىڭ بىرنەشە ساتىسىنان ءوتتى. بارلىعى دا ماڭىزدى. الايدا, ءبىز كەز-كەلگەن رەفورما مەن جاڭعىرۋدى جەكە وي-سانانىڭ دايىندىعىنسىز باستاي المايمىز. مەن ا.ەينشتەيننىڭ «ادامزاتتىڭ دۇنيەتانىمىن وزگەرتۋدەن اتومدى تالقانداۋ جەڭىل» دەگەن ءسوزىن ءجيى ەسىمە الامىن. سوندىقتان, وسى اۋقىمدى جۇمىسقا قاتىسى بار ۇلتتىق كوميسسيا مۇشەلەرى ءبىزدىڭ سانامىزدى جاڭعىرتۋدىڭ نەمەسە قايتادان قۇرۋ ماسەلەلەرىمەن اينالىسۋدىڭ قانشالىقتى ماڭىزدى ەكەنىن سەزىنۋى ءتيىس. «تۋعان جەر» جوباسى شەڭبەرىندە ۇلتتىق كوميسسيا مەن قازاقستان حالقى اسسامبلەياسىنىڭ كوميسسياسىنا قوعامدىق ساناعا ىقپال ەتە الاتىن, اۋديتورياعا ءوز ويىن جەتكىزە الاتىن تۇلعالاردى شاقىرۋ تۋرالى ۇسىنىس ەنگىزدىم. ويتكەنى, ء«سوز – ءبىزدىڭ وي-سانامىزدىڭ كيىمى» دەگەن ۇعىم بار. ءبىز اۋديتورياعا قانداي كيىممەن كەلەمىز, قانداي ءسوز ايتامىز؟ ياعني, پرەزيدەنتتىڭ قازاقستاندىقتاردىڭ وي-ساناسىن جاڭعىرتۋ تۋرالى يدەياسى وتە وزەكتى, دەدى ا.باشماكوۆ.
ول سونداي-اق تۋعان جەرگە دەگەن سۇيىسپەنشىلىك تۋرالى ايتا كەلىپ, وڭىرلەردە جەرگىلىكتى اكتيۆپەن كەزەسۋلەر وتكىزگەنىن, رۋحاني جاڭعىرۋ تۇرعىسىندا ەل ىشىندە قىزۋ جۇمىستار جۇرگىزىلىپ جاتقانىن, بۇل باعدارلامانىڭ ۇزاقمەرزىمدى سيپاتى بار ەكەنىن ەرەكشە اتاپ ءوتتى.
دۋمان اناش,
«ەگەمەن قازاقستان»
سۋرەتتى تۇسىرگەن
ورىنباي بالمۇرات
«ەگەمەن قازاقستان»