شارلوتسۆيلل قالاسىندا بولعان قاقتىعىستا 3 ادام قازا تاۋىپ, 35 ادام جارالانعان. قاقتىعىستار سەنبى كۇنى اق ءناسىلدى ۇلتشىلداردىڭ شەرۋى كەزىندە بولدى, دەپ حابارلايدى NPR ۇلتتىق راديو ستانتسياسى.
قايتىس بولعانداردىڭ ءبىرى 32 جاسار ايەل. ونى شەرۋشىلەرگە قارسى قاساقانا كولىكپەن جۇرگەن ادام قاعىپ كەتتى. كولىك جۇرگىزۋشىسى دجەيمس الەكس ەسىمدى ازامات كىسى ءولتىردى دەگەن ايىپپەن قاماۋعا الىندى.
قانقۇيلى وقيعادان كوپ ۋاقىت وتپەي, پوليتسيا تىكۇشاعى قۇلاپ, ەكى سارباز قايتىس بولدى. ۆيردجينيا شتاتىنىڭ پوليتسياسى تىكۇشاقتىڭ شەرۋدى باقىلاۋدا قۇقىق قورعاۋ ورگاندارىنا كومەكتەسىپ جۇرگەنىن ايتتى, دەيدى The Associated Press.
اتالعان وقيعا اق ءناسىلدى ۇلتشىلداردىڭ كونفەدەرات گەنەرالى روبەرت ءليدىڭ ەسكەرتكىشىن الىپ تاستاۋ تۋرالى جوسپارعا قارسى شەرۋگە شىعۋىنان باستالدى. سەنبى كۇنى تاڭەرتەڭ ۇلتشىلدار مەن ولارعا قارسى توپ بەتپە-بەت كەزدەسىپ, قاقتىعىستار بولدى. وسى سەبەپتى ۆيردجينيا شتاتىنىڭ گۋبەرناتورى توتەنشە جاعداي جاريالادى.