تەاتردىڭ ءباسپاسوز قىزمەتىنىڭ حابارلاۋىنشا, فورتەپيانو پارتياسىن مادەنيەت قايراتكەرى, پروفەسسور, قازاق ۇلتتىق ونەر ۋنيۆەرسيتەتى فورتەپيانو كافەدراسىنىڭ مەڭگەرۋشىسى سارا اساباەۆا ورىندايتىن بولادى.
«باعدارلاما ءار داۋىردەگى سازگەرلەر تۋىندىلارىنىڭ سان-الۋاندىعىن كورسەتە الاتىنداي ەتىپ تاڭدالدى. كونتسەرتىمىز «ەكسپو-2017» كورمەسى اياسىندا وتۋىنە وراي, ونى ەرەكشە ەتۋ ماقساتىندا, ءبىزدىڭ قوناقتارىمىز بەن تۇراقتى تىڭدارماندارىمىزعا جاڭاشا لەپ بولاتىن, سيرەك ورىندالاتىن شىعارمالاردى رەپەرتۋارعا قوسۋعا تىرىستىق. وسى كەشتە فرانتسۋز, قازاق, ارميان, تاتار, ورىس جانە تاعى باسقا كومپوزيتورلاردىڭ مۋزىكالارى شىرقالاتىن بولادى», - دەدى «دارىن» مەملەكەتتىك جاستار سىيلىعىنىڭ لاۋرەاتى, تمد «دەبيۋتتەر دوستاستىعى» حالىقارالىق جۇلدەسىنىڭ لاۋرەاتى ازامات جىلتىركوزوۆ.
ءانشىنىڭ ءوزى ەرەۆانداعى ارام حاچاتۋريان اتىنداعى ءحىىى حالىقارالىق بايقاۋ (ەكىنشى ورىن) سىندى مارتەبەلى ۆوكالدىق سايىستاردا ونەر كورسەتىپ, ساتتىلىك پەن جۇلدەلى ورىن الىپ, سونداي-اق ورىس كومپوزيتورى اريالارىنىڭ, حالىق اندەرىنىڭ جانە تيگران چۋحادجياننىڭ «ارشاك ەكىنشى» وپەراسى اريالارىنىڭ ۇزدىك ينتەرپرەتاتورى رەتىندە ارنايى ءۇش سىي يەلەنگەن كومپوزيتسيالارىن پاش ەتپەك. سونىمەن قاتار بۇل كەشتە ۇسىنىلاتىن اريالاردى كەرەمەت ورىنداعانى ءۇشىن قازاقستاندىق سوليست رۋستەم ياحين اتىنداعى IV حالىقارالىق بايقاۋ مەن گ.ۆ. سۆيريدوۆ اتىنداعى حالىقارالىق دودانىڭ ءبىرىنشى جۇلدەلەرىنە قول جەتكىزگەن بولاتىن. وسىلايشا, تىڭداۋشىلار نازارىنا گ.ۆ. سۆيريدوۆتىڭ «وتچاليۆشايا رۋس» توپتاماسىنان تۋىندىلار, ارميان كومپوزيتورى كوميتاس شىعارمالارى جانە باسقا دا كومپوزيتسيالار ۇسىنىلماق.
ق. جۇماكەنوۆ اتىنداعى فلەيتاشىلار ءانسامبلى دە كورەرمەن قاۋىمعا كوپتەگەن توسىنسىي ازىرلەگەن. اتاپ وتەر بولساق, تانىمال ۇجىم مۋزىكانتتارىنىڭ ينتەرپرەتاتسيالارى ءوزىنىڭ تەرەڭ مانىمەن ءارى شىنايىلىعىمەن جۇرتتى ءتانتى ەتۋدە.