ۇيىمداستىرۋشىلاردىڭ ايتۋىنشا, بۇل كۇندەرى پاۆلودارلىقتار مەن ءوڭىر قوناقتارى ءۇشىن كەلەسى سپورت تۇرلەرىنەن جارىستار وتەتىن بولادى: اۋدارىسپاق - 80 كەلىگە دەيىن جانە 80 كەلىدەن جوعارى سالماق دارەجەسىندە; تەڭگە الۋ; 90 كەلىدەن استام ءابسوليۋتتى سالماق دارەجەسىندە ەرەسەكتەر اراسىندا قازاق كۇرەسى; كوكپار (ۇلگىلىك ونەر كورسەتۋلەر); اسىق اتۋ; قۇسبەگىلىك (ۇلگىلىك ونەر كورسەتۋلەر); تاس كوتەرۋ; بۇقا كوتەرۋ; گىر سپورتى: 80 كەلىگە دەيىن جانە 80 كەلىدەن جوعارى سالماق دارەجەسىندە; ارمرەستلينگ: 80 كەلىگە دەيىن جانە 80 كەلىدەن جوعارى سالماق دارەجەسىندە; ارقان تارتۋ.
سونداي-اق « ۇلى دالا ەلى» فەستيۆالىندە كىشكەنتاي بۇلدىرشىندەر ءۇشىن دە ءارتۇرلى الاڭدار ۇيىمداستىرىلادى. ء«بۇلدىرشىن الەمى» سەگىز الاڭنان تۇراتىن بولادى: «كەل شىرقايىق!», «ەتنواۋىل», «بالا بارىسى», «ارقان تارتۋ», «حانتالاپاي», «توعىزقۇمالاق COLD», «ماڭگىلىك ەل» سۋرەتى», «شىعارماشىلىق ءمىح».
«ەتنواۋىل» الاڭىندا ءتورت كيىز ءۇي ورناتۋ جوسپارلانۋدا (ەكىباستۇز قالاسى, قاشىر, پاۆلودار, شارباقتى اۋداندارىنىڭ ءبىلىم بەرۋ بولىمدەرى). بالالار قازاق حالقىنىڭ تۇرمىسىمەن, داستۇرلەرىمەن تانىسادى, پەداگوگتار ۇلتتىق شىعارماشىلىق, اسحانا جانە ادەت-عۇرىپتار بويىنشا شەبەرلىك ساباقتارىن وتكىزەدى. «بالا بارىسى» الاڭىندا 10-16 جاس ارالىعىنداعى بالالار اراسىندا «قازاقشا كۇرەستەن» جارىستار ۇيىمداستىرىلادى. «ارقان تارتۋ» مەن «حانتالاپاي» الاڭدارىندا تۋرنيرلەر وتەدى. «توعىزقۇمالاق GOLD» الاڭىندا ءبىر ۋاقىتتا توعىزقۇمالاق بويىنشا 10 ۇستەلدە ويىن سەانسى ۇيىمداستىرىلاتىن بولادى. «رۋحاني جاڭعىرۋ» سۋرەتى» الاڭىندا قازاقستان تاۋەلسىزدىگىنىڭ 25 جىلدىعىن بەينەلەيتىن 25 مەترلىك كەنەپتە «تۋعان جەر» تاقىرىبىندا ۇزدىك سۋرەت كونكۋرسى وتەدى. «شىعارماشىلىق MIX» الاڭىندا وقۋشىلار سارايى, № 1,2 كوركەم سۋرەت مەكتەپتەرى, پاۆلودار قالاسىنىڭ بالالار تەحنيكالىق مەكتەبىنىڭ قوسىمشا ءبىلىم بەرۋ پەداگوگتارىمەن بيسەر ءورۋ, كيىز باسۋ, تىگۋ, ۇلتتىق ناقىشتا توقۋ بويىنشا شەبەرلىك ساباقتارى وتكىزىلەدى. «Relax الاڭىندا» ۇلتتىق ويىنداردىڭ دەمونستراتسياسى, سونىمەن قاتار كوڭىلدى ەستافەتالار جانە جارىستار وتەدى.