ونىڭ ايتۋىنشا, جۇمىس ىستەپ تۇرعان كاسىپورىندار كوممۋنالدىق قىزمەتتەردى تولەۋ ارقىلى مەملەكەتتىڭ ينفراقۇرىلىم قۇرىلىسىنا سالعان قاراجاتتارىن قايتارۋدا.
سونداي-اق, بورلىباەۆ ينۆەستورلاردى بوس جەر بار كەزدە ءوز وندىرىستەرىن يندۋستريالدى ايماققا ورنالاستىرۋعا شاقىردى. سپيكەر ءوندىرىستى يندۋستريالدى ايماققا ورنالاستىرۋ شىعىندارى تۇپكىلىكتى ارزانداعانىن اتاپ ءوتتى. ياعني, جەر تەلىمىن جالعا بەرۋدىڭ مولشەرلەمەسى جىلىنا ءبىر شارشى مەتر ءۇشىن بار-جوعى 42 تەڭگەنى قۇرايدى. ونىڭ ۇستىنە الماتى قالاسىنىڭ ورتالىعىنا تىكەلەي جاقىن ورنالاسقان.
سونىمەن بىرگە, فورۋم بارىسىندا الاتاۋ اۋدانى اكىمىنىڭ ورىنباسارى قايىرجان جاقسىمبەتوۆ اۋداننىڭ ينۆەست الەۋەتى تۋرالى ايتىپ بەردى, ونىڭ دامۋىنا 2008 جىلدان بەرى (قۇرىلعان ساتتەن باستاپ) بيۋدجەتتەن 300 ملرد-تان استام تەڭگە ءبولىندى.
اۋدان بويىنشا نەگىزگى كاپيتالعا سالىنعان ينۆەستيتسيا كولەمى 9 جىلدىڭ ىشىندە 3 ميلليارد تەڭگەدەن 100 ميلليارد تەڭگەگە دەيىن ءوستى. اۋداننىڭ تاۋار اينالىمى 889 ميلليون تەڭگەدەن 772 ميلليارد تەڭگەگە دەيىن ءوستى.
اكىمنىڭ ورىنباسارى ينۆەست احۋالدى جاقسارتۋ بويىنشا باستى مىندەتتەردىڭ ءبىرى شاعىن جانە ورتا بيزنەستى دامىتۋ, سونداي-اق اكىمشىلىك كەدەرگىلەردى تومەندەتۋ ەكەنىن اتاپ ءوتتى.
قورىتا ايتقاندا, «يندۋستريالاندىرۋ كارتاسى» باعدارلاماسىنىڭ شەڭبەرىندە الاتاۋ اۋدانىندا 25 جوبا ىسكە اسىرىلۋدا, ونىڭ 24-ىندە شامامەن 5000 جاڭا جۇمىس ورنى اشىلدى.
«بيزنەستىڭ جول كارتاسى-2020» باعدارلاماسى بويىنشا 104 جاڭا جۇمىس ورنى قۇرىلا وتىرىپ, 619 ميلليون تەڭگە سوماسىنداعى 9 جوبا مەملەكەتتىك قولداۋ الدى.