جۇردەك پويىز ەلورداعا ءاپ-ساتتە جەتكىزدى. قوسىمشا تىركەلگەن ۆاگوندار كىرسە, شىققىسىز. كورمەگە جەتۋدىڭ بارلىق جاعدايى قاراستىرىلعان. استانا بۇرىنعىدان دا اجارلانا تۇسكەن. ءبىر كۇن بويى اياعىمىز تالعانشا پاۆيلونداردى ارالاپ, ءومىر بويى ۇمىتىلمايتىنداي اسەرگە بولەندىك. مەنى شەتەلدەن كەلگەن ازاماتتاردىڭ, تۋريستەردىڭ, قازاقستاندىق جاستاردىڭ كوپتىگى تاڭعالدىردى. ءبىر رەت تاماشالاۋ ارقىلى عانا جاڭاشىل يننوۆاتسيالىق مۇمكىندىكتەردىڭ شەكسىزدىگىنە كوز جەتكىزدىم.
تاعى ءبىر ايتا كەتەتىن جايت, ۇيىمداستىرۋ جۇمىستارىنىڭ وتە جوعارى دەڭگەيدە ەكەندىگى. اسىرەسە, قاۋىپسىزدىك قىزمەتىنە جوعارى باعا بەرەر ەدىم. كورمەگە كەلۋشىلەردىڭ ءبىرى بالالاردىڭ قولارباسىن جوعالتىپ الدى. اتشاپتىرىم پاۆيلون ىشىنەن لەزدە تاۋىپ بەردى. سانيتارلىق توراپتار تازالىعى دا تالاپقا ساي. ءتۇرلى ۇلتتىق مەيرامحانالار جۇمىس ىستەپ تۇر. ءبىر سوزبەن ايتقاندا, كورمە اياسىنداعى قىزمەت كورسەتۋ ساپاسىندا ءمىن جوق. وسىنداي ايتۋلى شارانىڭ ەلىمىزدە ابىرويمەن ءوتىپ جاتقانى كەۋدەگە ماقتانىش سەزىمىن ۇيالاتادى. حالىقارالىق كورمەدەن بالالارىمنىڭ العان اسەرى شەكسىز.
ايگۇل ميرحاميدوۆا, كىرىستەر ءبولىمىنىڭ باس مامانى
سولتۇستىك قازاقستان وبلىسى, ع.مۇسىرەپوۆ اۋدانى