سلەت اياسىندا كۆەستتەر, باعدار الۋ جانە قۇزعا شىعۋ ەلەمەنتتەرى بار جاياۋ ساپارلار, سپورتتىق جانە تانىمدىق ويىندار, بورەنەلەردەن ۋاقىتشا قۇرىلىس سالۋ (پيونەرينگ), كەشكى شارالار, ترەنينگتەر مەن شەبەرحانالار ۇيىمداستىرىلادى. شاراعا استانا, پاۆلودار, قوستاناي مەن شىمكەنت قالالارىنان 29 جاسقا دەيىنگى جەتى مىڭنان استام سكاۋت قاتىسادى دەگەن بولجام بار.
«سكاۋتتار سلەتى - بۇل بارلىق سكاۋتتاردى بىرىكتىرەتىن شارا. ولار قوعامدىق ماڭىزى بار جۇمىستارىن تاعى ءبىر مارتە پىسىقتاپ, وسى سالاداعى قىزمەتتى ارى قاراي جالعاستىرۋ جايىن تالقىلايدى. سكاۋتتار ءوزارا تاجىريبە الماسىپ, كۇشتەرىن سىنايدى, جاڭا ءبىر نارسەگە ۇيرەنەدى ءارى جاعىمدى ەموتسيا الادى», - دەلىنگەن ۇيىمداستىرۋشىلاردىڭ رەسمي xابارلاماسىندا.
ايتا كەتەيىك, سلەت 12-15 تامىزى ارالىعىندا استانادان 35 شاقىرىم جەردە ورنالاسقان ارناساي اۋىلىندا وتەدى. شارا ۇيىمداستىرۋشىلارى - استانا قالاسىنىڭ جاستار ساياساتى باسقارماسى جانە قازاقستاننىڭ سكاۋت قوزعالىسى.