تۋرنيردە قازاقستان, رەسەي, يتاليا, گەرمانيا, پورتۋگاليا قۇراما كوماندالارى مەن الەم قۇراماسى وينايدى. سونىمەن قاتار دينو بادجو, ماركو دەلۆەككيو, نۋنۋ مانيشە, جان-پەر پاپەن, رومان شيروكوۆ, ۆالەري كارپين, الەكساندر فيليمونوۆ سىندى الەمدىك فۋتبولدىڭ ارداگەر جۇلدىزدارى ونەر كورسەتەدى.
وسى جازدىڭ ەڭ باستى سپورتتىق شارالارىنىڭ ءبىرى سانالاتىن تۋرنير بيلەتتەرىن حالىقارالىق كورمە كاسسالارىنان نەمەسە رەسمي سايتى ارقىلى ساتىپ الۋعا بولادى ەكەن. ەكى جاسقا دەيىنگى بالالار ءۇشىن كىرۋ – تەگىن. «tickets.expo2017astana.com» سايتى ارقىلى ونلاين بيلەت ساتىپ الۋ ءۇشىن «مادەني باعدارلاما» تارماعىنا, ونىڭ ىشىندە ستاديوننىڭ ۋاقىتى مەن سەكتورىنا كىرۋ كەرەك.
ۇيىمداستىرۋشىلاردىڭ دەرەگىنشە, بيلەتى بار ادامدارعا ورىن تاڭداۋ ەركىندىگى بەرىلەدى. سوندىقتان, ەڭ جايلى ورىنداردى تاڭداپ الۋ ءۇشىن ەرتەرەك بارۋعا تۋرا كەلەدى.
اسحات رايقۇل,
"ەگەمەن قازاقستان"