كورمە اياسىنداعى – قوستاناي كۇندەرى

ەرتەڭ استانا قالاسىندا ەكسپو-2017 حالىقارالىق مامان­دان­­دىرىلعان كورمەسىنە ارنالعان قوستاناي وبلىسىنىڭ كۇندەرى باس­تالادى. 9 تامىزعا دەيىن جالعاساتىن ايماق مەرەكەسى اياسىن­دا سۋرەتشىلەر, مۇسىنشىلەر, قولونەر شەبەرلەرى, فيلارمونيا جانە تەاتر ارتىستەرى ونەر كورسەتىپ, سپورتتىق جارىستار مەن ءوڭىردىڭ اۋىلشارۋاشىلىق تاۋارلارىن وندىرۋشىلەردىڭ جار­مەڭ­كەسى ۇيىمداستىرىلادى. وندا شۇجىق, ءسۇت, كونديتەرلىك, ۇن جانە ماكارون ونىمدەرىنىڭ تۇرلەرى, باسقا دا ونىمدەر تاۋار ون­دى­رۋشىلەردىڭ باعاسىمەن ۇسىنىلادى.

قوستاناي وبلىسى كۇندەرى 5 تامىز كۇنى ساعات 21.30-دا ەكسپو كور­مەسى اۋماعىنداعى امفيتەاتر­دا ۇزدىك شىعارماشىلىق ۇجىم­دار­دىڭ گالا-كونتسەرتىمەن اشىلادى. كەلەسى كۇنى ساعات 15.00-دەن 20.00-گە دەيىن «قازانات» اتشابا­رىندا بولاتىن «شىرقار ءانىم تۋ­عان ولكەم – قوستاناي» اتتى كون­تسە­رتىندە وڭىردەگى حالىق ان­دە­رىن ۇز­دىك ورىنداۋشىلاردىڭ, سون­داي-اق, ەلۋباي ومىرزاقوۆ اتىن­داعى وبلىستىق فيلارمونيا ار­تىس­تەرىنىڭ ونەرىن تاماشالاۋعا بو­لادى. ال ساعات 18.00-دە قالي­بەك قۋانىشباەۆ اتىنداعى اكادە­ميا­­لىق قازاق مۋزىكالى-دراما تەاترى­ندا ءىلياس وماروۆ اتىنداعى وب­لىستىق قازاق دراما تەاترىنىڭ ىبىراي التىنسارينگە ارنالعان «دالا شامشىراعى» سپەكتاكلى قويىلادى.

7 تامىز كۇنى ساعات 19.00-دە م.گوركي اتىنداعى مەملەكەتتىك اكا­­دە­ميالىق ورىس تەاترىندا وبلىس­تىق ورىس دراما تەاترىنىڭ اح­مەت بايتۇرسىنوۆ پەن ونىڭ جۇ­بايى بادريسافاعا ارنالعان «ليۋبوۆ ي سمەرت اق كەلىن» سپەكتاكلىن كورۋگە شاقىرامىز. ءدال وسى ۋاقىتتا استانا قا­لاسىنىڭ ورتالىق الاڭىندا «سلا­ۆيان­سكايا پەسنيا» ورىس حالىق اس­پاپتار ور­­كەس­­ترى مەن ءانسامبلىنىڭ «مۋزىكا – دۋ­شا نارودا» اتتى ۆو­كال­دىق-پوە­تي­كا­لىق باع­دار­لا­ماسى كوپشى­لىك­كە ۇسى­نى­لا­دى. 

31 شىلدە مەن 9 تامىز ارا­لى­عىن­دا «قازانات» اتشا­با­رىن­دا­عى ەت­نو­اۋىلدىڭ «قولونەرشىلەر» سەك­­تورىندا قوستاناي وبلىسىنىڭ 20 قولونەر شەبەرىنىڭ «تۋعان جەر قۇ­شا­عىندا» ەكسپوزيتسيالىق كور­مەسى وتە­دى. سونىمەن قاتار وسى ماڭ­دا 5 جانە 6 تامىز كۇندەرى وتەتىن قىز قۋ, اۋدارىسپاق, جامبى اتۋ, تو­عىز­قۇ­مالاق, قازاق كۇرەسى, الامان بايگە, قۇ­نان بايگە سياقتى ۇلتتىق سپورت جا­رىس­تارىن ۇمىت قالدىرماعانىمىز ءجون.  8 تامىز كۇنگى مادەني شارالار لەگىن ساعات 19.00-دە ورتالىق الاڭ­­دا «كوستانايسكيە زوري» بي ءان­سام­بلىنىڭ «سيقىرلى بي الە­مى» حو­ر­ە­وگرافيالىق شولۋى جال­عاي­دى. 9 تا­مىز كۇنى ساعات 19.00-دە ەل­وردا­نىڭ باس الاڭىندا وبلىس ما­دە­ني كۇندەرىنىڭ جابىلۋ سالتاناتى ۇي­ىمداستىرىلادى.

اسحات رايقۇل

"ەگەمەن قازاقستان",

سۋرەتتى تۇسىرگەن

ەرلان ومار, «ەگەمەن قازاقستان»