«2017 جىلدىڭ 1 تامىزىنداعى جاعدايعا سايكەس رەسپۋبليكا بويىنشا 50 مىڭنان استام جەكە قوسالقى شارۋاشىلىقتاردى قامتي وتىرىپ, 517 اۋىل شارۋاشىلىعى كووپەراتيۆى تىركەلدى.
ونىڭ ىشىندە 173 ءسۇت قابىلداۋ, 281 مال سويۋ, 41 جەمىس-كوكونىس دايىنداۋ, 2 ارا ءوسىرۋ, 4 قۇس ءوسىرۋ جانە سويۋ, 4 ينتەنسيۆتى باقشا, 2 تۇيە ءسۇتىن ءوندىرۋ, 3 تاۋارلىق بالىق ءوسىرۋ كووپەراتيۆى بار. مۇنان بولەك, 30 573 ءىرى قارا مال باسىن قامتىعان 1 835 وتباسىلىق مال بورداقىلاۋ الاڭى قۇرىلدى», - دەدى ول. ونىڭ ايتۋىنشا, قازىرگى ۋاقىتتا «اۋىل شارۋاشىلىعىن قارجىلاي قولداۋ قورى» اق ارقىلى 89 ءسۇت قابىلداۋ پۋنكتىن, 18 مال سويۋ پۋنكتىن, 28 ءسۇت تاسيتىن كولىك, 15 رەفريجەراتور ساتىپ الۋعا ارنالعان وتىنىمدەر ماقۇلدانعان.
«بۇگىنگى كۇنى وتكەن جىلى قۇرىلعان كووپەراتيۆتەرى قوسا العاندا جىل باسىنان بەرى 25 مىڭ توننادان استام ءسۇت دايىندالدى. 8 مىڭ توننا ەت جانە 600 توننا جەمىس-كوكونىس ونىمدەرىن دايىنداۋعا ارنالعان ينفراقۇرىلىم قۇرىلدى. اعىمداعى جىلدىڭ قورىتىندىسىندا ءسۇت وڭدەۋ كاسىپورىندارىنىڭ جۇمىسپەن جۇكتەمەلىگى 60-تان 70 پايىزعا دەيىن, ەڭ وڭدەۋ كاسىپورىندارى 55-تەن 65 پايىزعا دەيىن جەتكىزىلەتىن بولادى», - دەدى ماقاشەۆ.