باعدارلاما جوبالارىنىڭ اراسىندا ەلوردانىڭ تاريحي-مادەني مۇرالارىن بىرىكتىرەتىن «ساكرالدى استانا» كارتاسى دا بار, دەپ حابارلاندى استانا اكىمدىگىنىڭ سايتىندا.
ەرمەك امانشاەۆ استانا اۋماعىندا كونە تۇركى كەزەڭىنە جاتاتىن ارحەولوگيالىق نىسانداردىڭ بار ەكەنىن اتاپ ءوتتى. بارلىق ەسكەرتكىشتەر «ساكرالدى كارتاعا» ەنۋى ءتيىس جانە تاريحي-مادەني مۇرالاردى تەرەڭىرەك زەرتتەۋ ءۇشىن قۇرامىنا ارحەولوگتار, تاريحشىلار, ۇكىمەتتىك ەمەس جانە جاستار ۇيىمدارىنىڭ وكىلدەرى ەنەتىن جۇمىس توبىن قۇرۋ قاجەت.
«ساكرالدى كارتا - ءبىر جاعىنان ولكە تاريحىن زەرتتەۋدىڭ باعا جەتپەس كوزى جانە ەكىنشى جاعىنان - ءوز جەرىڭە, استاناڭا دەگەن پاتريوتتىق قارىم-قاتىناستى قالىپتاستىرۋدىڭ نەگىزى. ۇشىنشىدەن, ساكرالدى كارتا تۋريستىك كلاستەردىڭ اينىماس بولشەگىنە اينالۋى ءتيىس», - دەيدى ەرمەك امانشاەۆ.
اكىم ورىنباسارى «رۋحاني جاڭعىرۋ» بويىنشا جۇمىستاردى جانداندىرۋ قاجەتتىگىن باسا ايتتى جانە باعدارلامادا ايتىلعان بارلىق باعىتتاردى جۇزەگە اسىرۋعا ارنالعان ءىس-شارالاردى سانامالاپ بەردى. ماسەلەن, «بوزوق» قالاشىعىنا مادەني-عىلىمي ەكسپەديتسيا, قالالىق سلەت جانە جاس ولكەتانۋشىلار فورۋمى, ءبىلىم بەرۋ ۇيىمدارىندا «تۋعان جەر - رۋحاني جاڭعىرۋ» اتتى سىنىپ جانە كۋراتورلىق ساعاتتار وتكىزۋ جانە وزگە دە شارالار كوزدەلىپ وتىر.
سونىمەن بىرگە, جينالىستا «رۋحاني جاڭعىرۋ» استانانىڭ جاس پاتريوتتار كلۋبىن جانە قالانىڭ شىعارماشىل زيالىلارىنىڭ كەڭەسىن قۇرۋ يدەياسى ايتىلدى. باستاماشىل توپتارعا مادەنيەتتانۋشىلار, تاريحشىلار, ونەر قايراتكەرلەرى, ارحەولوگتار جانە قالانىڭ جاسامپاز دارىندى جاستارى ەنەدى.