رەسەي فەدەراتسياسىنىڭ بسۇ-عا ەنۋى تۋرالى كەلىسسوزدەردىڭ التىنشى كەزەڭى دە ءساتسىز اياقتالدى. ۇيىم مۇشەسى – گرۋزيا ءوز تالابىن ورىنداماعانى ءۇشىن رەسەيدى بسۇ-نىڭ تابالدىرىعىنان اتتاتاتىن ەمەس. مۇنداي احۋال كەيبىر باسقا ەلدەردى دە قاناعاتتاندىراتىن سىڭايلى.
گرۋزين جاعىنىڭ تالابىن ورىنداۋ رەسەي ءۇشىن دە وڭاي ەمەس. ولار پسوۋ وزەنىنىڭ بويىنداعى گرۋزيا-رەسەي (بۇل – اتالمىش شەكارانىڭ ابحاز ۋچاسكەسى) جانە روك توننەلىندەگى گرۋزيا-رەسەي شەكاراسىنداعى (بۇل اتالمىش شەكارانىڭ وڭتۇستىك وسەتين ۋچاسكەسى) كەدەنگە حالىقارالىق بايقاۋشىلاردى قويۋعا رۇقسات بەرۋدى تالاپ ەتەدى. وعان رەسەي كەلىسە مە؟!
83-ءتىڭ 20-سى عانا تالاسادى
قىرعىزستاننىڭ ۇستىمىزدەگى جىلدىڭ 30 قازانىندا بولاتىن پرەزيدەنت سايلاۋىنا اۋەلدە 83 ادام كانديدات رەتىندە تىركەلگەنى بەلگىلى. سونىڭ 20-سى عانا كانديداتتىڭ رەسمي مانداتىن الدى.
ال وتپەلى كەزەڭنىڭ پرەزيدەنتى روزا وتۋنباەۆانىڭ وكىلەتتىگى 31 جەلتوقساندا اياقتالادى. ونىڭ ءوزى زاڭ بويىنشا كانديدات بولىپ تىركەلۋگە قاقىسى جوق بولاتىن. قىرعىزستاننىڭ كەلەسى پرەزيدەنتى 6 جىلعا جانە ءبىر-اق مەرزىمگە سايلانادى. قازىر وندا پرەزيدەنتتىك سايلاۋدىڭ دوداسى قاتتى ءجۇرىپ جاتىر. كەشە بىشكەكتىڭ بۇرىنعى مەرى ن.تولەەۆ سايلاۋ كوميسسياسىنىڭ كانديداتتىق مانداتتى كەش بەرگەنىنە وكپەلەپ, ءوزىنىڭ كانديداتۋراسىن الىپ تاستادى.
كەلگەن جەرىنە كەتىرۋ كوزدەلۋدە
تۇرىك رەسپۋبليكاسىنىڭ بيلىگى اقش-پەن جانە يراكپەن جاسالعان لاڭكەستىككە قارسى كەلىسىم شەڭبەرىندە وزدەرىندەگى كۇرد سەپاراتيستەرىنىڭ لاگەرلەرىن جاۋىپ, ولاردى وتاندارىنا قايتارۋدى قولعا الا باستادى. ءسويتىپ, جالپى سانى 11 مىڭداي ادامدى قونىستاندىرعان 8 لاگەر جابىلماقشى.
بۇل بوسقىندار يراكتان اۋىپ كەلگەندەر بولاتىن. تۇرىك بيلىگى ەلدە لاڭكەستىك ارەكەتتەردى ۇيىمداستىرۋعا وسىلاردىڭ دا قاتىسى بار دەپ بولجاپ وتىر. سوندىقتان دا, ولاردى كەلگەن جەرلەرىنە قايتارۋ كوزدەلگەن. ەۆاكۋاتسيا جۇمىسىنا بۇۇ-نىڭ بوسقىندار جونىندەگى جوعارعى كوميسسارياتى مەن يراكتاعى كۇرد ايماقتىق اكىمشىلىگىنىڭ وكىلدەرى قاتىستىرىلماق.
اراقاتىناس وزگەرىسسىز قالدى
پولشاداعى پارلامەنتتىك سايلاۋ ءوز مارەسىنە جەتتى. وندا قازىرگى پرەزيدەنت برونيسلاۆ كوموروۆسكي مەن پرەمەر-مينيستر دونالد تۋسكتىڭ پارتياسى تاعى دا جەڭىسكە جەتىپ, سوڭعىسى ورىنتاعىن ساقتاپ قالدى.
ەلدەگى ەڭ مىقتى وپپوزيتسيالىق پارتيا سانالاتىن, سمولەنسك قالاسىنىڭ تۇبىندە اپاتقا ۇشىراعان بۇرىنعى پرەزيدەنت لەح كاچينسكيدىڭ ەگىزى ياروسلاۆ كاچينسكيدىڭ «قۇقىق جانە ادىلەت» پارتياسى جەڭىمپازدان 7 پايىز كەم داۋىس جيناپ, بۇرىنعىسىنشا ەكىنشى ورىندا قالدى. 2007 جىلعى سايلاۋدا دا اراقاتىناس وسىنشا بولعان ەدى.
وسىنداي دا ويىن بولا ما ەكەن
ماسكەۋدە تاعى دا جەكەمەنشىك ماشينەلەردى ورتەۋ ورىن الدى. وتكەن جۇمانىڭ تۇنىندە ءۇش ماشينە ءورت قۇشاعىنا وراندى. ال سەنبىگە قاراعان تۇندە 11 كولىك جانىپ كەتتى. جالپى, وتكەن اپتادا 17 اۆتوموبيل ورتەنگەن ەكەن.
العاشقى جارتى جىلدىقتا ماسكەۋدە بارلىعى 119 اۆتوماشينە جانىپ كەتكەن. ال «رەكوردتى جىل» دەپ ەسەپتەلگەن 2008 جىلى مۇندا 180 اۆتوماشينە ورتەنگەن ەدى. بىراق بيىلعى جىلدىڭ اياعىنا دەيىن 2008 جىلعى رەكورد جاڭاراتىن سىڭايلى. ناداندىقتىڭ شەگىنە جەتكەن قاراقشىلىقتى وزدەرىن «انارحيستەرمىز» دەپ اتايتىن بىرەۋلەر ءبىز جاسادىق دەپ ينتەرنەت ارقىلى حابارلايتىن كورىنەدى.
ءتىرى ساياساتكەرىن ولدىگە بالاپ
گونكونگتىڭ باق وكىلدەرى ءۇستىمىزدەگى جىلدىڭ شىلدە ايىندا قىتاي حالىق رەسپۋبليكاسىنىڭ بۇرىنعى ءتوراعاسى تسزيان تسزەميندى مارقۇم بولدى دەپ جاريالاعان ەدى. وعان نەگىزگى سەبەپ, قىتاي كوممۋنيستىك پارتياسىنىڭ 90 جىلدىعىن تويلاعاندا تس.تسزەميننىڭ تەلەديداردان كورىنبەگەندىگى بولعان.
بىراق ارتىنان 85 جاستاعى قارتتىڭ ءدىن امان ەكەندىگى بەلگىلى بولىپ, اجالدى ءبىرىنشى بولىپ ايتقان گونكونگتىڭ اsia TV ارناسىنىڭ باسشىلىعى تۇگەلىمەن وتستاۆكاعا كەتكەن ەدى. سودان بەرى ءۇنسىز قالسا دا قحر-دى 1993 جىلدان 2003 جىلعا دەيىن باسقارعان ساياساتكەر جۋىردا 1911 جىلعى توڭكەرىستىڭ 100 جىلدىعىن اتاپ ءوتۋ سالتاناتىنا قاتىسىپ, حالىققا كورىندى.
قىسقا قايىرىپ ايتقاندا:
تۇرىكتىڭ انتاليا قالاسىندا جاۋعان قاتتى نوسەردەن 50 تۇرعىن جانە ساۋدا ۇيلەرى سۋ استىندا قالدى. مەكتەپتەردە وقۋ توقتاتىلدى.
بەلارۋس پرەزيدەنتى ا.لۋكاشەنكو رەسەي مەن بەلارۋس وداقتاس مەملەكەتىنىڭ حاتشىسى پ.ءبوروديننىڭ قىزمەتىنەن كەتەتىنىن جاريالادى. ونىڭ ورنىنا رەسەي جاعىنىڭ ۇسىنىسىمەن ەۋرازەق-تىڭ بۇرىنعى باس حاتشىسى گ.راپوتا تاعايىندالاتىن بولدى.
ازەربايجان قورعانىس مينيسترلىگى ءباسپاسوز قىزمەتىنىڭ حابارىنا قاراعاندا, 9 قازاندا ارمەنيا تاراپىنان ءۇش رەت جارتى ساعاتتان وق اتىلىپ, شەكارا بۇزۋ فاكتىسى ورىن العان. تەك قارسى امال قولدانۋ ناتيجەسىندە وق اتۋ توقتاعان.
ەكونوميكا سالاسىنداعى 2011 جىلدىڭ نوبەل سىيلىعى امەريكالىق توماس ساردجەنت پەن كريستوفرە سيماعا بەرىلدى. ونىڭ كولەمى 1,5 ملن. دوللارعا تەڭ.
ينتەرنەت ماتەريالدارى نەگىزىندە ازىرلەندى.