جەكە باسپانالى بولعان مەزەتتەن باستاپ ادام ءوزىن ءالدەقايدا تاۋەلسىز سەزىنەتىنى بەلگىلى. ال قازاقستاننىڭ تاۋەلسىزدىك العاننان بەرگى ءناتيجەلەرىنىڭ ءبىرى – تۇرعىن ءۇي قۇرىلىس جيناق جۇيەسىن ەنگىزۋ. باسپانالى بولۋدىڭ قاراپايىم مەحانيزمىنىڭ ارقاسىندا قانشاما وتباسى قونىستويىن جاساپ, وزدەرىنىڭ تۇرعىن ءۇي ماسەلەلەرىنىڭ شەشىمىن تاپتى. وسىنداي قۇبىلىس ءالى دە قارقىندى دامىپ, جالعاسۋدا.
ءار ادام ءوز وتاۋىن تىگىپ, قونىستوي جاساۋعا مۇددەلى. تۇرعىن ءۇي قۇرىلىس جيناق جۇيەسى ءۇيلى بولۋدىڭ جانە جوندەۋ جۇمىستارى مەن تۇرعىن ءۇي جاعدايىن جاقسارتۋدىڭ بىردەن-ءبىر جولى.
قونىستوي – ءار ادامنىڭ ەڭ ماڭىزدى كەزەڭى. جەكە پاتەر نەمەسە ءۇي الۋ ادام ومىرىندەگى ماڭىزدى جانە سانالى قادام بولىپ تابىلادى.
تۇرعىن ءۇي جيناق جۇيەسىنە قاتىسۋشىلاردىڭ ارقايىسىسىنىڭ باسپانالى بولىپ نەمەسە ءۇي سالاتىندىعىنا تۇرعىن ءۇي قۇرىلىس جيناق بانكى سەنىمدى. ول ءۇشىن, تۇرعىن ءۇي جيناق بانكىندە باسپاناعا قول جەتكىزۋ شارتتارىن ءالىپپەدەي ءبىلۋ كەرەك.
باسپانا الۋدىڭ باستاپقى كەزەڭىنىڭ ەرەجەسى.
كەز كەلگەن بانكتەردەگىدەي, قازاقستاننىڭ تۇرعىن ءۇي جيناق بانكىمەن جيناقتاۋ شارتىن راسىمدەۋ ءۇشىن بىرىڭعاي قۇجاتتاردى تاپسىرۋ كەرەك. ءبىرىنشى كەزەكتە جەكە كۋالىك جانە ستن قاجەت. سودان سوڭ قاراجاتتى جيناقتاۋ ماقساتىندا باسپانا باعاسىنىڭ نەمەسە ءۇي سالۋدىڭ جانە جوندەۋ جۇمىستارىن جۇرگىزۋدىڭ 50 پايىز شاماسىنداعى ەڭ تومەنگى جەتكىلىكتى سوماسىن تاڭداۋ كەرەك.
باسپانا تاڭداۋ نەمەسە جوندەۋ جۇمىستارىنا تالداۋ جاساۋ ەرەجەسى.
بارلىعىمىز دا جايلى ۇيدە تۇرۋدى ارماندايمىز عوي. تۇرعىن ءۇي قۇرىلىس جيناق بانكىندە كليەنتتەر مەن سالىمشىلارعا ءۇي الۋ, ءۇي سالۋ جانە جوندەۋ جۇمىستارى بارىسىندا ءتۇرلى شەشىمدەر بار. ەڭ الدىندا – جىلدام جيناقتاۋ ءۇشىن بانكتىڭ تاريفتىك باعدارلاماسى بويىنشا جيناقتاۋ جۇيەسى: جينالعان قاراجاتقا جىلدىق 2 پايىزدىق سىياقى قوسىلادى (ماكسيمالدى جىلدىق ءتيىمدى مولشەرلەمەسى 12,7 پايىزدى قۇرايدى).
ەندىگى كەزەكتە, تۇرعىن ءۇي قۇرىلىس جيناق بانكىنىڭ تاريفتەرىنە ناقتى توقتالايىق. مۇندا بارلىعى تۇرعىن ءۇي نەسيەسى بەرىلەتىن جيناقتاۋ مەرزىمىنە تاۋەلدى. مىسالى: «باستاۋ» تاريفىندە جيناقتاۋ كەزەڭى 3,5 جىلدى قۇرايدى.
تۇرعىن ءۇي نەسيەسى 6 جىلعا دەيىن جىلدىق 5%-بەن بەرىلەدى (تۇرعىن ءۇي نەسيەسى بويىنشا جىلدىق ءتيىمدى سىياقى مولشەرلەمەسى 5,3 پايىزدى قۇرايدى).
«وركەن» تاريفتىك باعدارلاماسىنىڭ شارتى مۇلدەم باسقاشا. بۇل باعدارلاما بويىنشا سالىمشى 10 جىلعا نەسيە الۋ ماقساتىندا 5,5 جىل بويى جىلدىق 4,5% قاراجات جيناقتايدى (تۇرعىن ءۇي نەسيەسى بويىنشا جىلدىق ءتيىمدى سىياقى مولشەرلەمەسى 4,7%-دى قۇرايدى).
«كەمەل» تاريفتىك باعدارلاماسى بويىنشا نەسيە 8,5 جىل بويى جيناقتاۋ شارتى نەگىزىندە 15 جىلعا بەرىلەدى. سىياقى مولشەرى نەسيە بويىنشا جىلدىق 4% (جيناقتاۋ بويىنشا جىلدىق ءتيىمدى سىياقى مولشەرلەمەسى 6,2% دەيىن).
«بولاشاق» تاريفتىك باعدارلاماسىنىڭ ەرەكشەلىگى - قاراجات جيناقتاۋعا 15 جىل, ال تۇرعىن ءۇي زاەمىنىڭ وزىنە 25 جىل بەرىلەدى. سىياقى مولشەرى نەسيە بويىنشا جىلدىق 3,5% (جيناقتاۋ بويىنشا جىلدىق ءتيىمدى سىياقى مولشەرلەمەسى 3,6% دەيىن).
تۇرعىن ءۇي قۇرىلىس جيناق بانكىنىڭ سالىمشىسىنىڭ ءبىرى باقىت اڭگىمەلەسۋ بارىسىندا, وتباسى سانىنىڭ كوبەيۋى ناتيجەسىندە تۇرعىن ءۇي قۇرىلىس جيناق بانكىمەن ىنتىماقتاستىقتىڭ ۇزىلمەيتىندىگى جونىندە ايتا كەتتى.
مىسالى, «باستاۋ» ءتاريفىنىڭ ارقاسىندا ءبىر بالانىڭ بولۋىن جوسپارلاعان ادامدارعا ءبىر بولمەلى پاتەر الۋعا بولادى. ەكىنشى بالا دۇنيەگە كەلگەندە, «وركەن» ءتاريفى بويىنشا ەكى بولمەلى پاتەر الىپ, كەڭەيۋگە تۋرا كەلەدى. ال ەكىنشى بالامەن شەكتەلمەي, ءۇشىنشى بالانى قالاسا, «كەمەل» ءتاريفى ارقىلى ءۇش بولمەلى پاتەر الۋعا مۇمكىندىك تۋادى. ياعني, كوپ بالا بولۋدى جوسپارلاۋشىلارعا ايتار ءبىر كەڭەس – بارلىعى تولىعىمەن سىياتىن كەلەشەك ۇرپاققا قالدىرۋعا كەڭ ءۇي, كوتتەدج سالعان ابزال. مىنە, وسى ءۇشىن «بولاشاق» تاريفتىك باعدارلاما قۇرىلعان.
ءۇيلى بولۋدى ىسكە اسىرۋ ەرەجەسى.
شارت نەگىزىندە كەرەكتى قارجىنى جيناعان بانك سالىمشىسىنا ءوزى تاڭداعان تاريفتىك باعدارلاما بويىنشا تۇرعىن ءۇي زاەمىن الۋعا مۇمكىندىك تۋادى.
سالىمشىلاردىڭ پىكىرى بويىنشا, ينتەرنەت-فورۋمداردا دا كورسەتىلگەن تۇرعىن ءۇي نەسيەسى بويىنشا نەسيە الۋ شارتى كليەنتتەرگە قولايلى بولادى.
تۇرعىن ءۇي قۇرىلىس جيناق بانكىنەن پاتەردى بىردەن العىسى كەلگەندەرگە نەمەسە مەرزىمىنەن بۇرىن قاجەتتى سومانى جيناقتاعىسى كەلگەن سالىمشىلارعا نەسيە الۋ مەحانيزمى جەتە ويلاستىرىلعان. مۇنىمەن عانا شەكتەلمەي, وسى ساناتتاعى كليەنتتەرگە 2011 جىلدىڭ 1 شىلدەسى مەن 25 جەلتوقسانى ارالىعىندا تومەن پايىزدىق مولشەرلەمەلەرمەن پاتەر الۋعا زاەمدار بەرۋ كوزدەلگەن.
قالىپتى ارالىق تۇرعىن ءۇي نەسيەلەۋ مولشەرلەمەلەرى جىلدىق 8,5%-عا دەيىن تومەندەتىلگەن (جىلدىق ءتيىمدى سىياقى مولشەرلەمەسى 17,5%-عا دەيىن). «جەڭىل» باعدارلاماسىنىڭ ارالىق تۇرعىن ءۇي نەسيەسى بويىنشا باستى قارىزدى مەرزىمىنەن بۇرىن وتەۋ ءۇشىن ءۇش جىلدان كەم ەمەس مەرزىمدە جىلدىق 9,5% تولەيدى (جىلدىق ءتيىمدى سىياقى مولشەرلەمەسى 15,7%-عا دەيىن).
الدىن-الا تۇرعىن ءۇي زاەمىن بەرۋ بويىنشا پايىزدىق مولشەرلەمەلەر مىناداي: شارت سوماسىنىڭ 0%-دان 25%-عا دەيىن جىلدىق 11%-عا دەيىن (جىلدىق ءتيىمدى سىياقى مولشەرلەمەسى 15,1%-عا دەيىن); شارت سوماسى 25%-دان 50%-عا دەيىن جىلدىق 10,5%-عا دەيىن (جىلدىق ءتيىمدى سىياقى مولشەرلەمەسى 17,3%-عا دەيىن).
بانك سالىمشىسى بىلۋگە ءتيىستى قوسىمشا تالاپتار.
ەكىنشى دەڭگەيلى بانكتەردە بۇرىن الىنعان نەسيەنى تۇرعىن ءۇي قۇرىلىس جيناق بانكىندە قايتا قارجىلاندىرۋعا بولادى. بانك مەملەكەتتىڭ 2011-2014 جىلدارعا ارنالعان تۇرعىن ءۇي باعدارلاماسىن جۇزەگە اسىرۋعا قاتىسادى. جاڭا باعدارلامانىڭ ەرەكشەلىكتەرى جونىندە تولىق اقپارات الۋ ءۇشىن, www.hcsbk.kz – بانكتىڭ سايتىنا نەمەسە وبلىستاعى بولىمشەلەرگە حابارلاسۋعا بولادى.
تۇرعىن ءۇي قۇرىلىس جيناق بانكى سالىمشىلار مەن كليەنتتەردىڭ سۇرانىستارى مەن تالاپتارىن قاناعاتتاندىرۋعا تىرىسۋدا. قىزمەت كورسەتۋدى قولايلى ەتۋ جانە ۋاقىتتى ۇنەمدەۋ ماقساتىندا ايلىق تولەمدەردى «قازپوشتا» مەن «حالىق بانكى» بانكوماتتارى ارقىلى تولەۋگە بولادى.
تۇرعىن ءۇي قۇرىلىس جيناق بانكىنىڭ ارقاسىندا قونىستوي جاساۋشىلار سانى ارتىپ كەلەدى, ءارى كەز كەلگەن الەۋەتتى كليەنت ءوز باسپاناسىنىڭ باقىتتى يەگەرى اتانا الادى.
يبراھيم كاپپاسوۆ.
قوسىمشا اقپاراتتى «قازاقستاننىڭ تۇرعىن ءۇي قۇرىلىس جيناق بانكى» اق-تىڭ مىنا تەلەفوندارى ارقىلى الۋعا بولادى: الماتى ق., 279-35-11, استانا ق., 40-72-76, تالدىقورعان ق., 24-40-48, قاراعاندا ق., 43-62-02, قىزىلوردا ق., 26-26-64, پاۆلودار ق., 34-08-99, وسكەمەن ق., 75-48-65, اتىراۋ ق., 32-04-00, تاراز ق., 42-58-80, اقتوبە ق., 55-72-21, اقتاۋ ق., 43-96-91, قوستاناي ق., 53-38-20, پەتروپاۆل ق., 46-62-26, كوكشەتاۋ ق., 32-35-60, شىمكەنت ق., 21-33-62, ورال ق., 54-03-33, سەمەي ق., 52-22-90 نەمەسە مىنا سايتتا www.hcsbk.kz