ولاردىڭ بايانداۋىنشا, «بالالارعا كومەك-مەنىڭ تاڭداۋىم» ۇرانى بويىنشا ۇيىمداستىرىلاتىن شارا بارىسىندا اتا-انانىڭ قورعاۋىنسىز قالعان جەتىم بالالارعا, تۇرمىسى تومەن وتباسىلارعا, از قامتىلعان جاندارعا ءبىرىنشى كەزەكتە ماتەريالدىق, قارجىلىق كومەكتەر كورسەتىلەدى.
بىلتىر 8980 بالاعا 55 ميلليون تەڭگەنىڭ بيۋدجەتتىك جانە بيۋدجەتتەن تىس قارجىلىق دەمەۋ جاسالعان. بەلگىسىز سەبەپتەرمەن مەكتەپكە بارماعان 6 وقۋشى انىقتالعان.
قازىر جالپى ءبىلىم بەرەتىن ءبىلىم ۇيلەرى مەن ءىرى ساۋدا ورىندارىندا گۋمانيتارلىق كومەك بەرەتىن ورتالىقتار قۇرىلىپ, جەكە ادامدار, كاسىپكەرلەر قارجىلىق, زاتتاي قول ۇشتارىن بەرۋدە. سونداي-اق قازاقستان رەسپۋبليكاسى ءبىرىنشى پرەزيدەنتى قورى اتىنان قاجەتتى وقۋ قۇرالدارىمەن قامتاماسىز ەتىلگەن 900 جيناق تاپسىرىلاتىن بولادى.
«جىل باسىنان وقۋعا ىنتا-ىقىلاسى جوق 101 وقۋشى انىقتالىپ, ەسەپكە قويىلدى. تۇتاستاي العاندا, ەسەپتە 255 كامەلەتكە تولماعان ءجاسوسپىرىم تۇر. ولاردىڭ 55-ءسى ءارتۇرلى سەبەپتەرمەن مەكتەپ ەسىگىن اشپاعان», دەيدى اعا ينسپەكتور سايران ساركەنوۆ.
ءومىر ەسقالي, «ەگەمەن قازاقستان»