«قازاقستان رەسپۋبليكاسى 2017 جىلعى 28 شىلدەدەگى كورەي حالىق-دەموكراتيالىق رەسپۋبليكاسىنىڭ بالليستيكالىق زىمىراندى ۇشىرۋىن باتىل ايىپتايدى. مۇنداي-ءىس-ارەكەتتەر بۇۇ قاۋىپسىزدىك كەڭەسىنىڭ قارارىن ورەسكەل بۇزۋشىلىق بولىپ ەسەپتەلەدى, الەمگە قاۋىپ توندىرەدى جانە شىعىس ازيا وڭىرىندە جانە جاھاندىق اۋقىمدا جاعدايدى ۋشىقتىرادى.
قحدر-دىڭ جاۋاپسىز ساياساتى يادرولىق قارۋسىزدانۋدىڭ جاھاندىق پروتسەسىنە تەرىس اسەر ەتەدى, بولاشاق يادروسىز عالامشاردى قامتاماسىز ەتۋ جونىندەگى ۇجىمدىق كۇش-جىگەرگە زيان كەلتىرەدى. قحدر-دى ءوز حالقىنىڭ قاۋىپسىزدىگى مەن دامۋى, سونداي-اق بۇكىل ادامزاتتىڭ يگىلىگى ءۇشىن يادرولىق مەنمەندىكتەن باس تارتۋعا تاباندى تۇردە شاقىرامىز.
قحدر-دىڭ زىمىراندىق جانە يادرولىق باعدارلاماسىنىڭ قاۋپى بۇكىل مۇددەلى تاراپتارعا كەلىسسوزدەر پروتسەسىن جەدەل تۇردە قايتا باستاۋ ارقىلى ءوزارا ءتيىمدى شەشىمدى ىزدەستىرۋ جونىندەگى كۇش-جىگەردى جانداندىرۋدى تالاپ ەتەدى. قالىپتاسقان جاعدايدان شىعۋدا سولتۇستىك كورەيا بيلىگىنىڭ ارانداتۋشىلىق ءىس-ارەكەتتەرىنەن تۋىنداعان پروبلەمانى كۇشپەن ەمەس, ناق كەلىسسوزدەر ارقىلى شەشۋگە بولادى دەپ ەسەپتەيمىز», دەلىنگەن مالىمدەمەدە.