بۇل باستاما بارلىق قازاقستاندىقتاردى راديكاليزمنىڭ كەز كەلگەن كورىنىسىنە قارسى يدەولوگيالىق مايدانعا بىرىكتىرۋدى جانە ەل ىشىندەگى بەيبىتشىلىك پەن كەلىسىم ارقايسىسىمىزعا تىنىشتىقتا ءومىر ءسۇرۋ ءۇشىن قاجەت ەكەندىگىنە نازارىن اۋدارتۋدى كوزدەيدى. قاتىسۋشىلاردىڭ پىكىرى بويىنشا, جوبا ءبىزدىڭ ەلىمىزدىڭ بىتىمگەرشىلىك ۇستانىمىن كورسەتەدى, ناسىلدىك, ۇلتتىق, ءدىني قاجەتتىلىكتەرگە قاراماستان ءاربىرىنىڭ مۇددەلەرىن قورعايدى جانە بۇل جوبا تەك قازاقستاندى عانا ەمەس, كۇللى الەمدى قامتۋى ءتيىس.
جوبانىڭ تاقىرىبى العاش رەت چەمپيوندار ليگاسىنىڭ ءۇشىنشى ىرىكتەۋ كەزەڭىنىڭ «استانا» كومانداسىنىڭ ويىنىندا تالقىلانعان بولاتىن. ەلوردالىق كوماندانىڭ جۇلدىزدارى «استانا-ارەنا» الاڭىنىڭ ۇلكەن LED ەكراندارىندا قازىرگى الەمگە قاۋىپ ءتوندىرىپ تۇرعان – تەرروريزم مەن ەكسترەميزم ماسەلەسى جايلى روليكتە ءسوز قوزعادى.
«Noterrorism», «Noextremism» جوباسىن بوكستان وليمپيادا چەمپيونى, قازاقستاننىڭ جەتى دۇركىن چەمپيونى باقتيار ارتاەۆ, سونىمەن قاتار استانا قالاسىنىڭ ءدىن ىستەرى جونىندەگى باسقارماسى دانيار ەسين قولدادى. ولار «استانا» كومانداسىنىڭ ويىنشىلارىمەن كەزەكتى ويىننىڭ جاتتىعۋى كەزىندە كەزدەسۋ وتكىزىپ, جوبانىڭ الەۋمەتتىك ماڭىزى جايلى تالقىلادى.