ايگەرىمنىڭ قوبديشاسى

سەمەيدەگى ابايدىڭ «جيدە­باي-ءبورىلى» مەملەكەت­تىك قورىق-مۋزەيى قۇندى جادىگەرمەن تولىقتى. اباي اۋدانى­نىڭ ىرگەتاسىن قالاۋ­شىلاردىڭ ءبىرى, شاكارىم قاجىنىڭ كوزىن كورگەن كەن­جەتىلەۋ دولانبەك ۇلىنىڭ بالاسى ايدار ۇلى اقىننىڭ ەكىنشى ايەلى اي­گەرىمنىڭ باتەت ازىمحانقىزىنا سىيعا تارت­قان قوبديشاسىن مۋزەي قورى­نا تاپسىردى. بۇل سىيلىق­تىڭ يەسى باتەت اپامىز – رۋى جىگىتەك, «اباي جولىندا» اتى اتالاتىن بوجەي­دىڭ ۇرپاعى ەكەن. «بىزگە قۇندى جادىگەردى اكەلىپ تاپسىرعان اي­دار كەن­جەتىلەۋ ۇلى­نىڭ ايتۋىنشا, باتەت ازىمحانقىزى ىرعىز­باي اۋىلىنا كەلىن بولىپ تۇسكەن­دە بۇرىنعىنىڭ سالتىمەن اعايىن-تۋىس كەزەكتەسىپ, ەسىك كورسەتۋ ءۇشىن جاس كەلىندى قوناققا شاقىرعان. سول كەزدە ايگەرىم دە باتەتتى ءوز شاڭى­­راعىنا شاقىرىپ, ءدام تاتتى­رىپ, سوڭىندا وسى قوبديشانى سىيعا تارتقان. ونىسى – «قۋىس ۇيدەن قۇر شىق­پاسىن», يگىلىك­كە باستاعان ىرىم بولسىن دەگەنى بولار», – دەيدى سەمەيدەگى «جيدەباي-ءبورىلى» مەملەكەتتىك قورىق-مۋزەيى ديرەك­تورى­نىڭ عىلىمي جۇمىستار جونىن­دەگى ورىنباسارى مەيرامگۇل قايرامباەۆا. ابايدىڭ اسىل جارى اي­گەرىم­نىڭ ايالى الاقانىنىڭ تابى قالعان قوبديشانى مۋزەيگە تاپسىرعان اي­دار كەن­جەتى­لەۋ ۇلىنىڭ اناسى اقليا – باتەت ازىمحانقىزىنىڭ تۋعان ءسىڭىلىسى ەكەن. 1967 جىلى باتەت اپامىز قوبديشانى ايدار كەن­جەتى­لەۋ ۇلىنىڭ ايەلى باقىتقا بەر­گەن كورىنەدى. سەمەيدەگى مۋزەي قىز­مەتكەرلەرى كونە­نىڭ كوزىندەي بولعان قوبديشا جۋىق ارادا جۇرت نازارىنا ۇسى­نىلاتىنىن ايتادى.  ازامات قاسىم,  «ەگەمەن قازاقستان»

سەمەي