بۇل جارىس بۇرىنعىدان وزگەرەك. حالىقارالىق دەڭگەيدە وتكەن بايگەگە كاسىبيلەر مەن سپورتتى سۇيىكتى ىسىنە اينالدىرعان اۋەسقويلار بولەك-بولەك قاتىستى. بۇل سىنعا تۇسكەندەر سۋدا 1,9 شاقىرىم ءجۇزىپ, 21 شاقىرىم قاشىقتىقتى جاياۋ جۇگىرىپ, سونداي-اق, 90 شاقىرىمدى شايتاناربامەن جۇرىپ ءوتتى.
مۇنداي اۋقىمدى شارانى مادەنيەت جانە سپورت مينيسترلىگى, استانا قالاسىنىڭ اكىمدىگى, قازاقستان ترياتلون فەدەراتسياسى, ازيا ترياتلون كونفەدەراتسياسى (ASTC), حالىقارالىق ترياتلون وداعى (ITU) بىرىگىپ ۇيىمداستىردى. ال جەڭىمپازداردى ماراپاتتاۋ ءۇشىن قر پرەمەر-ءمينيسترى باقىتجان ساعىنتاەۆ, ترياتلون فەدەراتسياسىنىڭ پرەزيدەنتى كارىم ءماسىموۆ, مادەنيەت جانە سپورت ءمينيسترى ارىستانبەك مۇحامەدي ۇلى, سونداي-اق, استانا قالاسىنىڭ اكىمى اسەت يسەكەشەۆ قاتىستى. ولار مارە سىزىعىن كەسكەن جەڭىمپازدار مەن قاتىسۋشىلاردى قارسى الىپ, جىلى لەبىزدەرىن ءبىلدىردى.
كارىم ءماسىموۆ ءوز سوزىندە بارلىق قاتىسۋشىلاردى, ۇيىمداستىرۋشىلاردى, سونداي-اق جارىستىڭ كوركىن قىزدىرعان جانكۇيەرلەردىترياتلون فەدەراتسياسى اتىنان قازاقستان رەسپۋبليكاسىنداعى تۇڭعىش اشىق چەمپيوناتتىڭ اشىلۋىمەن قۇتتىقتادى.
– بۇل دۇنيە جۇزىنە كەڭىنەن تانىمال سپورت ءتۇرى.كەشە ءدال وسى جەردە حالىقارالىق ترياتلون وداعىنىڭ قولداۋىمەن ازيا كۋبوگىنىڭ ىرىكتەۋ كەزەڭىن كورگەنبىز. جانكۇيەرلەردىڭ ۇشقىن اتقان جانارىنان سپورتتىڭ بۇل تۇرىنە دەگەن قىزىعۋشىلىقتى بىردەن بايقاۋعا بولادى. الداعى ۋاقىتتا ترياتلوندى دامىتۋ ۇشىن كەلەسى جىلىIronman 70.3 جارىسىن ۇيىمداستىرۋدى جوسپارلاپ وتىرمىز. بۇگىنگى جارىسقا قاتىسقان سپورتشىلاردىقۇتتىقتايمىن! ولار كەلەر جىلدىڭ شىلدەسىندە Ironman 70.3 Astana جارىسىنا العاش بولىپ قاتىسا الادى, – دەدى كارىم ءماسىموۆ.
قازىرگى تاڭدا الەم ەلدەرىندەگى سەكىلدى بىزدە دەAge Group, ياعني اۋەسقويلار ساناتىنداعى سپورتشىلاردىڭ سانى كۇننەن كۇنگە ارتىپ كەلەدى.وعان وسى جارىستى مىسالعا كەلتىرۋگە بولادى. ۇيىمداستىرۋشىلاردىڭ ايتۋىنشا, قاتىسۋعا 200-دەن استام ادام نيەت تانىتقان ەكەن, بۇل جولى 155 ادام تىزىمگە ىلىككەن. كارىم ماسىموۆ ىلگەرىدە ايتىپ وتكەندەي, بۇل جارىس ەلىمىزدە وتكىزىلسە, قازاقستاننان دا الەمدىك دەڭگەيگە شىعاتىن سپورتشىلارىمىزدىڭ سانى ارتار ەدى. جوعارى لاۋازىمدى تۇلعالاردىڭ كوپشىلىكتىڭ قىزىعۋشىلىعىن ارتتىرىپ, سپورتتىڭ وسىنداي تۇرىنە دەن قويۋى مەن قولداۋ كورسەتۋى قاراپايىم جۇرتشىلىققا شابىت بەرەتىنى انىق.
چەمپيوناتقا قاتىسۋشىلاردىڭ اراسىنداۆەلوشاباندوز, 2012 جىلعى لوندون وليمپياداسىنىڭ چەمپيونى الەكساندر ۆينوكۋروۆ تا بولدى. بۇل جولى ول اۋەسقويلار اراسىندا باق سىنادى. ول 40-44 جاس ارالىعىنداعى سىندا مارە سىزىعىن 4 ساعات 25 مينۋتتا كەسىپ ءوتتى. ونىڭ جۇرتشىلىق اراسىنا كەلىپ, قويان قولتىق ارالاسا ءجۇرۋى جارىستىڭ مارتەبەسىن ارتتىرا تۇسكەندەي. بۇل سىندا
– باس قالامىزدا وتەتەتىن وسىنداي ۇلكەن جارىس تۋرالى ەستىگەننەن كەيىن ۇيىمدە قاراپ وتىرا المادىم. شىنىمدى ايتسام, سپورتتان كەتكەندىكتەن بولار, ماعان وڭايعا سوقپادى. الايدا ۆەلوسيپەد ءومىرىمنىڭ ءبىر بولشەگىنە اينالىپ كەتكەن عوي, سوندىقتان بۇل جاعى ماعان جەڭىل بولدى. ال ەڭ اۋىرى تيگەنى ء– جۇزۋ ءتۇرى. شامامەن, ءبىرىنشى بولىپ جەتكەن ارىپتەسىمنەن جارتى ساعاتقا كەشىگىپ كەلگەن بولارمىن. جارىستا ۇزدىك بولىپ, ءبىرىنشى ورىندى الۋدى ماقسات ەتكەنىم جوق. تەك وسكەلەڭ ۇرپاقتىڭ سپورتقا دەگەن قىزىعۋشىلىعىن ارتتىرىپ, از دا بولسىن سەپتىگىمدى تيگىزسەم, جوسپارىمنىڭ ورىندالعانى بولار ەدى, – دەدى لوندون وليمپياداسىنىڭ چەمپيونى.
كاسىبي سپورتشىلار اراسىندا رەسەيلىك يۆان تۋتۋكين بىرىنشى ورىنعا يە بولسا, كۇمىستى وتانداسىمىز ماكسيم كريات يەلەندى. ال ۇزدىك ۇشتىكتى ۋكراينادان كەلگەن ۆيكتور زەمتسەۆ قورىتىندىلادى. سونىمەن قاتار, ۇيىمداستىرۋشىلار اۋەسقويلار اراسىنداعى ۇزدىكتەردى ءتۇرلى جاس دارەجەلەرىنە قاراي ماراپاتتادى.
ءوز كەزەگىندە ماكسيم كريات 2015 جىلدان بەرى مۇنداي قاشىقتىقتا سىنعا تۇسپەگەندىكتەن جارىستىڭ قيىن بولعانىن ايتا كەلىپ, ەكىنشى ورىن العانىنا قۋانعانىن مالىمدەدى.
ايتا كەتەيىك, 29 شىلدە كۇنى ترياتلوننان ەرلەر مەن قىزدار اراسىندا ازيا كۋبوگى ءوتتى. قاتىسۋشىلار سپرينت اراقاشىقتىعىندا باق سىنادى. ياعني ءجۇزۋ – 750 مەتر, ۆەلوجارىس – 20 شاقىرىم, جۇگىرۋ – 5 شاقىرىم. مۇنداي اۋقىمدى جارىستى ەلوردامىزدا وتكىزۋ حالىقارالىق ترياتلون وداعى مەن ازيا ترياتلون كونفەدەراتسياسى اراسىندا وتكەن كەلىسسوزدەرى ناتيجەسىندە شەشىلگەن بولاتىن.
سالاماتتى ءومىر سالتىن ۇستانۋ, اۋىرىپ ەم ىزدەگەنشە, اۋىرمايتىن جول ىزدەۋ كوپتەگەن دامىعان ەلدەردىڭ حالقى ۇستاناتىن جول. جىل وتكەن سايىن ءبىزدىڭ ەل ازاماتتارى دا ونى داستۇرگە اينالدىرىپ كەلەدى. بيلىك باستاپ, حالىق قوستاسا, الدىمىزدا ءالى تالاي ءبىز الاتىن اسۋ تۇر.
ايان ءابدۋالي,
«ەگەمەن قازاقستان»
سۋرەتتەردى تۇسىرگەن
ورىنباي بالمۇرات,
«ەگەمەن قازاقستان»