الەكساندر ۆينوكۋروۆ ترياتلون جارىسىندا نەدەن قينالعانىن ايتتى

ونىڭ سوزىنشە, ۋاقىتتىڭ بولماۋى سەبەپتى جارىسقا دايىندىق وتە اۋىر تيگەن.

«تۋر دە فرانس كەزىندە دە مۇنداي بولعان ەمەس. قازاقستاندا «تەمىر جارتىسى» العاش رەت وتكىزىلىپ وتىرعاندىقتان وعان قاتىسۋ, قازاقستاندا ترياتلونعا قولداۋ كورسەتۋ قىزىقتى بولدى. مۇمكىندىمشە تىرىستىم. ارينە, ءجۇزۋ ەڭ قيىنى بولدى. ءبىز سيرەك جۇزەمىز عوي. سوندىقتان جىلدام جۇزۋگە تىرىستىم. ۆەلوسيپەد بۇل ءبىزدىڭ ديستانتسيامىز بولعاندىقتان وڭايعا سوقتى. مۇمكىندىمشە جۇگىردىم. مەنىڭشە 4,23-تە كەلدىم. جالپى بۇل جاقسى ناتيجە دەپ بىلەمىن», - دەدى ۆينوكۋروۆ.

داڭقتى سپورتشى بۇل جارىس اعىمداعى جىلى ەكىنشى رەت وتكىزىلىپ وتىرعاندىعىن, ءبىرىنشىسى دۋبايدا وتكەندىگىن ەسكە سالدى.

«كەلەسى جىلى Ironman وتەدى. ترياتلون فەدەراتسياسىن جانە كارىم قاجىمقان ۇلىن (قر ۇقك توراعاسى) قۇتتىقتاعىم كەلەدى, ولار جۇمىس ىستەپ جاتىر. مەنىڭشە, كەلەسى جىلى وسى جەردە ۇلكەن مەرەكە بولادى جانە قاتىسۋشىلاردىڭ سانى دا ارتا تۇسەدى. بۇل جاستاردىڭ سپورتمەن اينالىسۋىنا ىقپال ەتەدى. ءبىز قولدايمىز, بۇل ءبىزدىڭ ءحوببيىمىز», - دەدى ول.

ايتا كەتەرلىگى, جارىستارعا 155 سپورتشى قاتىستى. تۋرنير 1,8 شاقىرىمعا ءجۇزۋ, 90 شاقىرىمعا ۆەلوسيپەدپەن جارىسۋ جانە 21,5 شاقىرىمعا جۇگىرۋ بويىنشا ءوتتى. ۇشسايىسقا 19 كوماندا قاتىستى. ءار كوماندادا 3 ادامنان بار.