قاۋىپسىزدىك ماقساتىندا ىلە الاتاۋى ۇلتتىق ساياباعىندا ساياحاتتاۋعا شەكتەۋ قويىلدى, دەپ حابارلايدى «قازاقپارات» حاا ءتىلشىسى.
الماتى تج دەپارتامەنتى 29-31 شىلدە ارالىعىندا الماتى قالاسىندا اۋا تەمپەراتۋارىسىنىڭ جوعارىلاۋى جانە وڭتۇستىك استانانىڭ ورماندى جانە تاۋلى ايماقتارىنداعى V كلاستى ءورت قاۋىپتىلىگىنە بايلانىستى ىلە الاتاۋى مەملەكەتتىك ۇلتتىق تابيعي پارك اۋماعىندا جاياۋ باعىتتار مەن اۆتوكولىك قۇرالدارىنىڭ قوزعالىسىنا شەكتەۋ قويىلاتىندىعىن حابارلادى.
ايتا كەتەيىك, «قازگيرومەت» الماتى وبلىسىندا اپتاپ ىستىق بولاتىندىعى جايلى الدىن الا ەسكەرتۋ تاراتقان بولاتىن. تاپ سول كەزدە شىمبۇلاقتا تاۋ فەستيۆالى جالعاسادى.