اقتوعاي اۋداندىق تۇرعىن ءۇي-كوممۋنالدىق شارۋاشىلىعى, جولاۋشىلار كولىگى جانە اۆتوموبيل جولدارى ءبولىمىنىڭ باس مامانى سامات سەكەنوۆتىڭ ايتۋىنشا, قاراوبا اۋىلىنىڭ ايالداماسىنداعى جارىقتاندىرۋ قۇرىلعىسى جەرگىلىكتى «روزەن» جشس-ءنىڭ دەمەۋشىلىك قاراجاتىمەن ورناتىلسا, قوجامجارداعى ايالدامانى جارىقتاندىرۋ ءۇشىن اۋىل اكىمدىگىنىڭ ەسەپشوتىنان اقشا بولىنگەن. - ءبىر ايالداماعا جارىقتاندىرۋ شامىن ورناتۋ شامامەن 200 مىڭ تەڭگە تۇرادى. تاڭنان كەشكە دەيىن كۇن ساۋلەسى ارقىلى قۋات جيناپ تۇرادى دا, كەشكە قاراڭعى تۇسە باستاعاندا اۆتوماتتى تۇردە جارىعى قوسىلادى, - دەيدى سامات سەكەنوۆ.
«ەرتىستەن جانە اقتوعايدان شىققان اۆتوبۋستار بۇل ەكى اۋىلعا دا كىرمەيدى. اۋدان ورتالىعىنا نەمەسە وبلىس ورتالىعىنا باراتىن تۇرعىندار اۆتوبۋستى اۋىل سىرتىندا كۇتەدى. سوندىقتان, بۇل اۋىل تۇرعىندارىنا اۆتوبۋس كۇتۋ كەزىندە قولايلى بولسىن دەگەن ماقساتپەن اۋىل اكىمدەرىنىڭ باستاماسى بويىنشا جۇزەگە اسىرىلىپ وتىر. اسىرەسە, كۇن كەش شىعىپ, ەرتە باتاتىن قىس مەزگىلىندە پايداسى زور. باس ماماننىڭ سوزىنشە, كەلەشەكتە وسىنداي يگى ىسكە دەمەۋشىلىك جاسايتىن كاسىپكەرلەر تابىلىپ جاتسا, اۋدانعا قاراستى باسقا اۋىلداردىڭ ايالدامالارىن دا وسىلاي جارىقتاندىرۋدى كوزدەپ وتىر.