51 جاستاعى بولگار مامانى جۇلدىزدار كومانداسىن جاتتىقتىراتىن بولدى. بۇل قۇراما ساپىندا ەرنان كرەسپو, گايسكا مەندەتا, جەرەمي نجيتاپ, الەكساندر شوۆكوۆسكي, ياري ليتمانەن جانە تاعى باسقا ويىنشىلار ونەر كورسەتەدى.
سونىمەن قاتار, ستويچكوۆ ەكسپو نىساندارىن ارالاپ كورمەك. بۇل تۋرالى EXPO 2017 Football Cup ءتۋرنيرىنىڭ Facebook-تەگى رەسمي پاراقشاسىندا جازىلعان.
حريستو ستويچكوۆ «بارسەلونا» ساپىندا 1990-1997 جىلدار ارالىعىندا ء(بىر جىل ۇزىلىسپەن) ويناپ, 175 ماتچتا 83 گول سوقتى. بۇدان بولەك ول تسسكا (بولگاريا), «پارما» (يتاليا), «ال-ناسر» (ساۋد ارابياسى), «كاسيۆا رەيسول» (جاپونيا), «چيكاگو فاير» جانە «دي سي يۋنايتەد» (اقش) كوماندالارىنىڭ نامىسىن قورعادى. بولگاريا قۇراماسى ساپىندا 83 ويىن وتكىزىپ, 37 دوپ سالدى.
ونىڭ باستى جەتىستىگى - «التىن دوپ». 1994 جىلى ستويچكوۆ ەۋروپانىڭ ۇزدىك ويىنشىسى اتاعىنا يە بولدى. World Soccer مەن FIFA نۇسقالارى بويىنشا حح عاسىرداعى ەڭ ۇزدىك 100 فۋتبولشىنىڭ قاتارىنا كىردى.