جيىندا نەگىزگى باياندامانى وبلىستىق ەكونوميكا جəنە بيۋدجەتتىك جوسپارلاۋ باسقارماسىنىڭ باسشىسى اسقار قوجابەكوۆ جاسادى. بايانداماشىنىڭ ايتۋىنشا, ءبىرىنشى جارتىجىلدىقتا جالپى وڭىرلىك ءونىم 3,3 % ءوستى. ونەركəسىپ ءونىمىنىڭ كولەمى 329, 4 ملرد. تەڭگەنى قۇرادى. ونىڭ ىشىندە وڭدەۋ ءوندىرىسى 3,6%-كە وسكەن. اتاپ ايتقاندا, ازىق-ت ۇلىك ءوندىرىسى – 8%, سۋسىن شىعارۋ – 22,3%, فارماتسەۆتيكادا -1,8 ەسە, ماشينا جاساۋ – 35,2% ارتقان.
فارماتسەۆتيكاداعى ءوسىم وبلىستاعى 6 فارمزاۋىتتاردىڭ ءونىم ءوندىرۋ كولەمىن وسىرۋىمەن بايلانىستى. اتالمىش زاۋىتتار بۇل كورسەتكىشتى 8 ملرد. تەڭگەگە ۇلعايتىپ وتىر. اتاپ وتسەك, بۇل 6 زاۋىت تا مەملەكەتتىك يندۋستريالدى-يننوۆاتسيالىق دامۋ باعدارلاماسى شەڭبەرىندە پايدالانۋعا بەرىلىپ, قازىرگى كەزدە وبلىس ەكونوميكاسىنا ءوز ۇلەسىن قوسۋدا.
ءبىرىنشى جارتىجىلدىقتا 39 نىساندى ىسكە قوسۋ مەن كەڭەيتۋ ارقىلى وندىرىستە قوسىمشا 665 جاڭا جۇمىس ورنى اشىلدى.
اۋىل شارۋاشىلىعىندا اگروونەركاسىپ كەشەندى دامىتۋ باعدارلاماسى شەڭبەرىندەگى قارجىلىق قولداۋ ناتيجەسىندە ءوسىم 3 %-ءتى قۇرادى.
دەگەنمەن بىرقاتار اۋدانداردا شاعىن جانە ورتا بيزنەستى قولداۋ شارالارىندا, كووپەراتيۆتەر قۇرۋ ىسىندە, ينۆەستيتسيا تارتۋدا جانە باسقا دا ماڭىزدى كورسەتكىشتەردە كەمشىلىكتەر ورىن العان. شاعىن نەسيەنى يگەرۋ اقسۋ, بالقاش, ەسكەلدى, كوكسۋ, رايىمبەك, سارقان, ۇيعىر اۋداندارى مەن قاپشاعاي قالاسىندا تومەن دەڭگەيدە. اقسۋ جانە رايىمبەك اۋداندارىندا «ىرىس» باعدارلاماسى بويىنشا ءسۇت تاۋارلى فەرمالاردىڭ قۇرىلىسى ءالى باستالماعان. بايانداماشى ەكونوميكانىڭ باسقا دا سالالارىنداعى جەتىستىكتەر مەن ولقىلىقتارعا توقتالىپ ءوتتى.
جيىندا ەڭبەكشىقازاق, پانفيلوۆ اۋداندارىنىڭ اكىمدەرى, قۇرىلىس جانە دەنساۋلىق ساقتاۋ باسقارمالارىنىڭ وكىلدەرى ءسوز الىپ, جۇمىس باعىتى تۋرالى ايتتى.
جيىن قورىتىندىلاعان وبلىس اكىمى ا. باتالوۆ سالا باسشىلارى مەن اۋدان, قالا اكىمدەرىنە ءتيىستى تاپسىرمالار بەردى.
- «بەرەكە», «تالدىقورعان» يندۋستريالدى ايماقتارىنا ينۆەستيتسيا تارتۋمەن تۇبەگەيلى اينالىسۋ قاجەت. ينجەنەرلىك جۇيەلەرى تارتىلىپ, دايىن تۇرعان الاڭداردىڭ بار ەكەنىن كاسىپكەرلەرگە, ينۆەستورلارعا جەتكىزىپ ايتۋ ءۇشىن قاجەت بولسا ينۆەستفورۋمدار وتكىزىڭىزدەر, كورسەتىڭىزدەر, ۇسىنىڭىزدار. مەملەكەتتىك-جەكەمەنشىك سەرىكتەستىكتى ودان ءارى دامىتۋىمىز كەرەك. ونەركاسىپ وندىرىسىندە ءبىرىنشى جارتىجىلدىقتىڭ وسى ءوسىم دەڭگەيىن ساقتاۋعا ءتيىسپىز. اسىرەسە, جۇيەقۇراۋشى كاسىپورىنداردىڭ ءوندىرىس قارقىنىن ەرەكشە نازاردا ۇستاڭىزدار. جاڭا جۇمىس ورىندارىن اشۋ, شاعىن جانە ورتا بيزنەستى قولداۋ, شاعىن نەسيەلەر بەرۋ مەن ونى يگەرۋ, كووپەراتيۆتەر قۇرۋ ماسەلەسى دە قاداعالاۋدا بولسىن, - دەدى ا. باتالوۆ. سونىمەن قاتار جىلىتۋ ماۋسىمىنا دايىندىق شارالارىن, جاڭا وقۋ جىلىندا پايدالانۋعا بەرىلۋى ءتيىس جاڭا مەكتەپتەردىڭ قۇرىلىسىن باقىلاۋدى, تۇرعىن ءۇي قۇرىلىسى ماسەلەلەرىن دە تۇراقتى نازارعا الۋدى تاپسىردى.