تەلەفون ارقىلى سۇبات 27 شىلدەنىڭ كەشىندە قازاق تاراپىنىڭ باستاماسىمەن ورىن الدى.
قازاقستان مىسىرلىق بيلىكتەردەن جاس ادامداردىڭ ۇستاپ اكەتىلۋ سەبەپتەرى مەن ولاردىڭ قازىرگى تاڭدا بولۋ مەكەنجايى, دەنساۋلىقتارى تۋرالى تولىق اقپاراتتى كۇتىپ وتىر, دەدى ق. ءابدىراحمانوۆ. ۇستاپ الىنعانداردىڭ بارلىعىمەن قازاقستان كونسۋلىنىڭ كەزدەسۋىن ۇيىمداستىرۋ قاجەت.
س. شۋكري قويىلعان سۇراقتاردى تولىعىمەن ءتۇسىنىپ وتىرعانىن جانە ولاردىڭ دايەكتىلىگىن ايتىپ, بۇل ماسەلەلەردى شەشۋدە بارىنشا جاردەم كورسەتۋگە ۋادە بەردى.
سونداي-اق, مينيسترلەر اڭگىمە بارىسىندا نەگىزىن جوعارعى دەڭگەيدەگى كەزدەسۋلەر قالاعان ەكى مەملەكەت اراسىنداعى ساياسي, ساۋدا-ەكونوميكالىق جانەە مادەني-گۋمانيتارلى ىنتىماقتاستىقتىڭ ءساتتى دامۋىن تالقىلادى.
ايتا كەتەيىك, وسىعان دەيىن مىسىردا 6 ستۋدەنتتىڭ جوعالىپ كەتكەندىگى تۋرالى اقپارات جاريالاندى. كەيىنىرەك ستۋدەنتتەردىڭ مىسىردىڭ قۇقىق قورعاۋ ورگانىندا بولعاندىعى انىقتالدى. وسىعان بايلانىستى قازاقستاننىڭ مىسىر ەلىندەگى ەلشىلىگى وسى وقيعاعا بايلانىستى رەسمي جاۋاپ تالاپ ەتتى. سونداي-اق قازاقستان مەن مىسىردىڭ سىرتقى ىستەر مينيسترلەرى كەزدەسەتىندىگى ايتىلعان بولاتىن.