– ىشكى كۆارتالدىق 250 شاقىرىمعا سوزىلاتىن جۇيەنى تارتىپ, وعان 14 ءۇيدى قوسۋ ءۇشىن ءبىر اپتا ۋاقىت جىبەردىك, – دەدى «نۇر وتان» پارتياسى بويىنشا قالالىق ءماسليحات دەپۋتاتى مارلەن كوكىرەكباەۆ. – حالىق سۇراپ كەلگەن سوڭ, ءبىز قالا اكىمىمەن, سۋ قۇبىرىن تارتۋشىلار جانە كاسىپكەرلەرمەن بىرگە جۇمىس جاسادىق. قاراپايىم تۇرعىنداردىڭ ءوتىنىشىن دالاعا تاستاماي, قۇبىرلاردى ءتىپتى ۇيىنە, اۋلاسىنا كىرگىزىپ بەردىك. جانە تەك بۇل كوشە عانا ەمەس, ماڭايداعى تۇرعىندار دا سۋ تارتىپ الۋلارىنا بولادى.
تۇرعىندارمەن كەزدەسۋ بارىسىندا قالا اكىمى ەرماك ءسالىموۆ سۋدان باسقا دا ولاردىڭ وتىنىشتەرىن تىڭدادى.
قالا اكىمىنىڭ ايتۋىنشا, الداعى ۋاقىتتا بۇل اۋداندا بالالار الاڭى دا سالىناتىن بولادى. جانە تۇرعىندار ەسكى ۇيلەرىنەن كوشىپ, جاڭا باسپانا الۋعا مەملەكەتتىك «نۇرلى جەر» باعدارلاماسى بويىنشا قول جەتكىزە الادى. وسى باعدارلاما ارقىلى شەت قالعان اۋداندار جاڭعىرىپ, حالىق كوپ قونىستاناتىن مەكەنگە اينالماق. ءبىر سوزبەن ايتقاندا, «نۇرلى جەر» ارقىلى سەمەيدە قۇرىلىس قارقىن الاتىن بولادى.
راۋشان نۇعمانبەك